Sunday, July 22, 2012

အထီးကျန် အိပ်မက်ရှင်

အိပ်မက်တစ်ခုတည်းမှာ
ကျွန်တော် အထီးကျန်နေတယ်....
ရင်ခုန်သံတွေ အေးစက်ပြီး
နှလုံးသားတွေလည်း နာကျင်နေလေရဲ့
ဒီဇင်ဘာကို ပြန်သွားနေတဲ့ နေ့ရက်တွေက
ပိုပြီးတော့များ နာကျင်စေသလား။

ရင်ဆိုင်ဖို့ အားမရှိတဲ့နေ့ရက်တွေမှာ
ဘာကို ဘယ်လိုကျော်လွှားဦးမှာလဲ
တကယ်ဆို ဘ၀ဆိုတာ အိပ်မက်လို့
ယုံကြည်ဖို့ ခက်ခဲတယ်မလား....။

Sunday, March 18, 2012

ကျွန်တော်မုန်းတဲ့ ည

ဒီလိုညကို ကျွန်တော်မုန်းတယ်.............
ကဗျာတစ်ခု ကောက်ရတယ်
အမှန်က ဒေါင့်ဖြတ်မျဉ်းနှစ်ကြောင်းရဲ့ ဆုံမှတ်တစ်ခုမှာပေါ့
ပြိုင်မျဉ်းမဟုတ်ခဲ့တာကိုပဲ ကျေးဇူးတင်ရမှာပါ......
မျက်ဝန်းတွေရဲ့ကဗျာ
အဲဒီကဗျာရဲ့ မျက်ဝန်းမှာ
မျက်ရည်စတွေ သီဝေ့နေလေရဲ့
အဲဒါဟာ......
ရှာဖွေတွေ့ရှိမှု အဆုံးပေါ့
ရူးသွပ်မှု တစ်ခုရဲ့ နိဂုံးချုပ်ပါပဲ
ရင်ထဲမှာ ပျောက်နေတဲ့အရာတစ်ခု
ဖြတ်ကနဲပေါ်ပေမယ့် အချိန်တန်တဲ့အထိ မပျောက်ကွယ်နိုင်
သံသာလေ ကမ်းကို မတိုင်ပါဘူး
အလွမ်းကို ကြိုတင်ယူထားမိတာ အမှားတစ်ခုပေါ့။

သမင်မျက်ဝန်းတော့ မဟုတ်ပါဘူး
အကြင်နာရပ်ဝန်းတော့ ရှိခဲ့မှာပေါ့
တစ်စုံမဟုတ်တဲ့ တစ်ခုထဲသာ
အလွမ်းရဲ့ညမှာ..........

ညစဉ်တိုင်း ကြယ်တွေကို မရေနိုင်ပေမယ့်
ကြိုသိနေတဲ့ အနာဂါတ်ကို
နှလုံးသား တစ်စစီဖဲ့ရင်းနဲ့ တွက်နေခဲ့ပေါ့.....

ဒီလိုညကို ကျွန်တော်မုန်းတယ်........................

Wednesday, March 7, 2012

တပေါင်းလပြည့်ည


ဒီညကတော့ လမင်းကြီးက ထိန်ထိန်သာလို့ပါပဲ။ အရင်တုန်းကဆို ဒီလို လသာညမှာ အပြင်ထွက် လမ်းလျှောက် လမင်းကြီးကို မော့ကြည့်ရတာကို သိပ်အရသာရှိတာ။ ခုတော့.....
ဆိုက်ထဲမှာ ကွန်ပျူတာကို ငေးပြီး ဘာလုပ်ရမှန်း မသိအောင်ကို အပူတွေ များလွန်းလှတယ်။
အပြင်က လမင်းရဲ့ အလင်းရောင်ကလည်း ကျွန်တော့ကို မမြူဆွယ်နိုင်တော့ဘူး။
မိုးသားတိမ်ရိပ်တွေ ကင်းစင်ပြီး ကြည်လင်တောက်ပနေတဲ့ လမင်းကြီးကို ကျွန်တော် မနာလိုတွေ ဖြစ်နေမိတယ်။
ငယ်စဉ်ဘ၀တွေကိုပဲ ပြန်တမ်းတမိတယ်။
လုပ်စရာအလုပ်တွေ တန်းစီနေတဲ့ ကျွန်တော့ အဖြစ်အပျက်ကို လမင်းကြီးကတော့ သိရှာမှာ မဟုတ်ဘူး။
အဲဒီလုပ်စရာ အလုပ်တွေကိုပဲ လုပ်ရင်းနဲ့ စိတ်ကုန်နေတာကိုလည်း သူသိမှာ မဟုတ်ပါဘူး။
သူ့ အလင်းရောင် သူဖြာဝေရင်းနဲ့ သူ့ဟာသူ ကျေနပ်နေမှာပါပဲနော်။
ခြောက်သွေ့လွန်းတဲ့ ကိုယ့်ဘ၀ကို တကယ် မကျေနပ်ဆုံး ဖြစ်ရတာ ဒီတစ်ညပါပဲ။
ဘိုထီးရဲ့ မောင့်လပြည့်ဝန်းကိုလည်း သတိရမိပါရဲ့။
ကိုငှက်ရဲ့ ငါနဲ့ငါကြား ဗျာများနေဆဲငါ ကိုလည်း ဆိုင်ဆိုင် မဆိုင်ဆိုင် သတိရနေမိလေရဲ့။
ဘာပဲ ပြောပြော ကမ္ဘာမြေ ကျန်းမာပါစေဗျာ။

စာကြွင်း။ မနေ့က ကျွန်တော် ဒီပို့စ်ကို ရေးပြီးတော့ အိမ်ပြန်ဖို့ ကားပေါ်အတက် ကားထဲက သီချင်းက တိုက်တိုက်ဆိုင်ဆိုင်ဗျာ..... မောင့်လပြည့်ဝန်း.....

Tuesday, March 6, 2012

ဧပြီသို့


ကဗျာတော့ကဗျာ
ဒါပေမယ့် ညာမှာတော့ မဟုတ်ဘူးနော်
အထီးကျန်မှုတွေလည်း ထွေထူးမဟုတ်တော့ပါဘူး
ညမှာ တမ်းတမိတာက မင်းကိုလေ
နာရီတွေရဲ့ ခြိမ်းချောက်မှုက
ရူးမလောက်ပါပဲ အိမ်သူရယ်....
အနေဝေးပေမယ့် ငါ့ အသည်း မစိမ်းပါဘု
ဒို့တွေ ပြန်ဆုံစည်းမယ့်နေ့ကို
ရင်ခုန်တုန်းပါပဲ။

Sunday, March 4, 2012

ငါးထောင်တန်ဖုန်းအပေါ်အမြင် (တဂ်ပို့စ်)


ကျွန်တော့ အမြင်ကတော့ သူများနဲ့တူချင်မှ တူပါမယ်။ ငါးထောင်တန်ဖုန်းရယ်လို့ မဟုတ်ပဲနဲ့ ဆင်းကဒ် ကို ငွေကြေးအရ အနည်းဆုံးပေးရဖို့ အရေးပဲ ပြောချင်ပါတယ်။ လက်ရှိ စင်ကာပူမှာ နေနေတဲ့ လူတစ်ယောက်အဖို့ ဆင်းကဒ်ရဲ့ တန်ဖိုးဟာ သိပ်မရှိပါဘူး။ အဓိကပေးရတာက ဖုန်းခေါ်ခတွေပါ။
ဆိုတော့ကာ... ၀န်ဆောင်မှုပေးတဲ့ ကုမ္ပဏ္ဏီများဟာ ရေရှည်ကို ကြည့်ရပါတယ်။ Demand ကောင်းတဲ့ မြန်မာပြည်မှာ Sim Card အတွက် တန်ဖိုး သိန်းချီပေးနေရတာဟာ ဘယ်လိုမှ မဖြစ်သင့်ပါဘူး။ ကျွန်တော်တို့ ကြက်သွန်ဖြူ တစ်ဥ စားချင်လို့ သွားဝယ်တဲ့အခါ ဒီကြက်သွန်ဖြူ စိုက်ဖို့အတွက် မြေဖိုးပါ ကျွန်တော်တို့ပေးရပါတယ် ဆိုရင် ဖြစ်သင့်ပါသလား။ ဒီလိုပါပဲ.... ဖုန်းဆက်သွယ်ရေးအတွက် သုံးစွဲဖို့ ကျွန်တော်တို့က တာဝါတိုင်တွေ၊ ဆက်သွယ်ရေး ရုံးတွေအတွက်ပါ ပေးရမယ်ဆိုရင် ဒါကြီးက တော်တော် မှားနေတဲ့ အယူအဆပါ။ ဒီလို တန်ဖိုးသတ်မှတ်မှုများရတာဟာ ဘယ်လိုမှ သမာမှု မဖြစ်နိုင်ပါဘူး။ ဒါဟာ မသမာမှုပါ။
ဒါပေမယ့် ကျွန်တော်တို့အနေနဲ့လည်း ငါးထောင်တန်ဖုန်း ငါးထောင်တန်ဖုန်းရယ် လို့ မအော်စေချင်ပါဘူး။ ငါးထောင်တန်ဖုန်းဆိုတာ ကုမ္ပဏ္ဏီတစ်ခုရဲ့ သတ်မှတ်ချက်ပါ။ ဖြစ်နိုင်ရင် အလကားတောင် ဝေသင့်ပါတယ်။
ဒါပေမယ့် အခုလောလောဆယ် ကော ဖြစ်နိုင်ပါသလားဆိုတာ ကျွန်တော်တို့ စဉ်းစားရပါမယ်။
ကျွန်တော့အမြင်ကတော့ ဆက်သွယ်ရေးဌာနအနေနဲ့ Third Party နဲ့ ပူးပေါင်း ဆောင်ရွက်မှ ရမှာပါ။ နိုင်ငံခြားက အတွေ့အကြုံ ရှိတဲ့ ရင်းနှီးမြုပ်နှံလိုသူတွေနဲ့လည်း သေသေချာချာ တွေ့ဆုံ ဆွေးနွေးရပါလိမ့်မယ်။ ပြည်တွင်းက ပူးပေါင်းပါဝင်ဆောင်ရွက်ချင်တဲ့သူတွေနဲ့လည်း တွေ့ဆုံဆွေးနွေးရပါလိမ့်မယ်။ ငါသိ ငါတတ် ဆိုတဲ့ မာန်တွေ ချပြီး တကယ်မသိ တကယ်မတတ်တာကို ကိုယ့်ဘာသာကို အမှန်မြင်တတ်ရပါမယ်။ ပြည်တွင်းက ရိုက်စားလုပ်မယ့်သူတွေကိုတော့ အထူးရှောင်ကြဉ်ရပါလိမ့်မယ်။
ကျွန်တော် ဖတ်ခဲ့တဲ့ ဘလော့ဂ် တစ်ခုကလည်း နှိုက်နှုက်ချွတ်ချွတ် ရေးထားတာ ရှိပါတယ်။
http://mgthetnaing.blogspot.com/2012/02/blog-post_468.html
အဲဒီမှာ သွားဖတ်ကြည့်ပါ။
ဘယ်သူမှန်တယ် ဘယ်သူမှားတယ်ဆိုတာတွေ မပြောချင်ပါဘူး။ ကိုယ်ကိုတိုင်လည်း သူတို့နဲ့ မသိပါဘူး။
ကျွန်တော့အမြင်ကတော့ Sim Card တွေကို တန်ဖိုးအနိမ့်ဆုံးနဲ့ ဆက်သွယ်ရေးက ရောင်းချပြီး လိုင်းမကျပ်အောင် ထိန်းပေးနိုင်ရင် တိုင်းပြည်အတွက် အလွန်အကျိုးရှိကြောင်းပဲ ပြောလိုပါတယ်။
လေးစားစွာဖြင့်

Friday, February 24, 2012

Wednesday, February 22, 2012

စက်မှုတက္ကသိုလ် ဒုတိယနှစ်


ပြောရမယ်ဆိုရင် ကျောင်းမှာ အဆိုးရွားဆုံး သောင်းကျန်းခဲ့တာ ဒီဒုတိယနှစ်ပါပဲ။ သူငယ်ချင်းကောင်းကတော့ ကိုစာကလေး ခေါ် ကိုကျော်ဝင်းအောင်။
ကျွန်တော် ကျောင်းတွေ မတက် ပေတေလေနေတဲ့အချိန်မှာ ကျွန်တော့အနားမှာ ရှိခဲ့တာ ကိုစာကလေး။
သူငယ်ချင်းတွေ တော်တော်များများမှာ အခင်မင်ဆုံး သူငယ်ချင်းတွေထဲမှာ
စာကလေး၊ အောင်စည်သူ၊ ကပ္ပိယ၊ ဖိုးကေး ဒီလေးကောင်နဲ့တော့ တော်တော်လေး တွဲမိတယ်။ ဒါပေမယ့် ကျွန်တော်ဆိုးတဲ့အထဲမှာ ဒီကောင်လေးကောင် မပါဘူး။ ဆိုးဖော်ဆိုးဖက်တွေက တခြားသူငယ်ချင်းတွေ။
ဒီလေးကောင်က ကျွန်တော့ကို ထိန်းကျောင်းပေးနေတဲ့ကောင်တွေပေါ့။ အဲဒီအထဲမှာမှ ကျွန်တော်အချစ်ဆုံးက စာကလေး။ ဒီကောင်ကတော့ ကျွန်တော့ညီအရင်းလိုပဲ။
ဒီကောင် ရည်းစားရတော့ အင်းစိန်က ကောင်မလေးနဲ့။
ကျွန်တော် စာမေးပွဲ ဖြေခါနီး စိတ်တွေ တအားလေနေတဲ့အချိန်....
ဒီကောင်က သူ့ကောင်မလေးအိမ်မှာ တံခါးမရှိ ဓါးမရှိ ၀င်နေတဲ့အချိန်ပေါ့။
ကျွန်တော့ကို သူ့ကောင်မလေးအိမ်ကို ခေါ်သွားပြီးတော့ လဘက်တွေကျွေးပြီး စာတွေကျက်ခိုင်းတာ မှတ်မိသေးတယ်။ သူ့ကောင်မလေး နာမည်က မိုးသက်စံ... အခုတော့ သူတို့နှစ်ယောက်လည်း အိမ်ထောင်ကျပြီးတော့ ကလေးတောင် ၂ ယောက်ဖြစ်နေပြီ။ ဟုတ်တယ်နော် ကိုစာကလေး ၂ ယောက် ဟုတ်တယ်မဟုတ်လား။ တစ်ခြားတော့ သိပါဘူး။ ( ငါ ဘာမှ ပြောဘူးနော် ... မင်းကောင်းကြောင်းတွေပဲ ပြောထားတာ... ငါ့မိန်းမ မကေခိုင်ကို ဘာမှာ မပြောကြေး ... ဟဲဟဲ )
ကျွန်တော်တို့က ယောက်ဖ လို့ခေါ်တဲ့ နှမလည်း မရှိတဲ့ အောင်စည်သူကြီးရယ် ဖိုးကေးရယ် ကပ္ပိယရယ် ကတော့ ခုထက်ထိ လူပျိုကြီးတွေ လုပ်နေတုန်း။ ကျန်တဲ့သူတွေတော့ မသိဘူးဗျ။ ဖိုးကေးကိုတော့ ယုံတယ်။ ဒီကောင်ကြီး ရည်းစားသနာ ထားတာလည်း မတွေ့ဘူး။ ငှက်ပျောတုံး ဖက်ရဖို့ အသေချာဆုံးကတော့ သူပဲ။ ကျန်တဲ့ နှစ်ကောင်ကတော့ အချိန်မတန်သေးလို့ပဲ ထင်ပါတယ်။ ခုချိန်ထိတော့ လူပျိုကြီးပါခင်ဗျာကို ကြွေးကြော်ကောင်းတုန်း။ ဒါမှမဟုတ် မာမီကြွယ်ကိုပဲ အားကျနေကြလားတော့ ကျွန်တော်လည်း မသိဘူး။ ကြုံရင် ကျွန်တော်မေးကြည့်ရဦးမယ်။ အဟီး ကိုဖိုးကေး ချစ်လို့စတာနော်။ ပြန်ပြီးတော့ မ သမ ကြေး။
ကျွန်တော် ဒုတိယ နှစ် ကျောင်းမတက်ရသေးဘူး။ ပါချုပ်နဲ့ အရင်ဆုံး မိတ်ဆက်ရတာ ကျွန်တော်နဲ့ ဖဲရိုက်ဘက်တွေ။ အဆောင်လက်ခံတဲ့နေ့ပဲ အဲဒီည ချိန်းပြီး ဖဲရိုက်ကြတာ ပုပ္ပါးဆောင်မှာ။ အဆောင်မှူးက ကျွန်တော်တို့ ချစ်စနိုးခေါ်တဲ့ ဂေါဗါချော့။ သူက မနက်လေးနာရီလောက် လမ်းလျှောက်သံပေးပြီး ရပ်ခိုင်းနေတာ။ ကျွန်တော်တို့ကလည်း တစ်ချပ်မှောက်ဆိုတော့ အရှိန်တွေ တက်နေတာ။ ဆရာက သည်း မခံနိုင်တဲ့အဆုံး တံခါးခေါက်ပြီး ဖမ်းပါလေရော။ အခန်းက စတုတ္ထ နှစ်သမားတွေအတွက်ပေးတဲ့ တစ်ယောက်ခန်း။ ပြေးစရာ အပေါက်မရှိဘူး။ အခန်းထဲမှာ ဖဲရိုက်နေတဲ့ကောင်က ၅ ယောက်၊ ဘေးထိုင်ဘိုင်ကျ ဘုပြောနေတဲ့အကောင်က ၄ ကောင်၊ ကုလားသေ ကုလားမော လာအိပ်နေတဲ့အကောင်က ၆ ယောက်။ ဟုတ်ကဲ့ တစ်ယောက်ခန်းမှာ အားလုံးမိတာ ၁၅ ယောက်။ :D အဲဒီအထဲကမှ ဖဲရိုက်တဲ့ ၅ ယောက်ကို ပါချုပ်ဆီကို ပို့တာ။ ပါချုပ်က ဦးကြင်စိုး။ တစ်ခါမှ မဆဲဘူးတဲ့ ဆရာကြီးက အဲဒီနေ့မှာ မှတ်မှတ်ရရ ငါနဲ့ ကိုင်တုပ်တာ ခံလိုက်ရတာက ကျွန်တော်တို့တွေ။ အမယ် ပါချုပ်နဲ့ တွေ့ရမယ် ဆိုတော့ အားလုံးက လည်ကတုံးလေးတွေ ကိုယ်စီနဲ့။ အတော် ခန့်ညားနေတာ။ ဆရာကြီးလည်းတော်တော် စိတ်လေသွားပုံရတယ်။ သူ့ရာဇ၀င်မှာ ကျောင်းမဖွင့်သေးဘူး အရင်ဆုံး သြ၀ါဒ ပေးရတာ အဲဒီအခေါက်က ပထမဆုံး ဖြစ်မယ် ထင်ပါရဲ့။
အဲဒီလို ကျွန်တော်တို့က အဖွင့်ကောင်းတာ ဒုတိယနှစ်ကို။

Saturday, February 18, 2012

စက်မှုတက္ကသိုလ် ပထမနှစ်


ကျွန်တော် စက်မှုတက္ကသိုလ်ကို ပထမနှစ်အနေနဲ့ တောင်ငူကနေ ရန်ကုန် ကို ရထားနဲ့ထွက်မယ့်အချိန်....
ချစ်လှစွာသော သူငယ်ချင်း အောင်နိုင်ဦးက ဘူတာကို အပြေးအလွှား လာရောက်ပြီးတော့ ရန်ကုန်မှာ သုံးဘို့အတွက် ဆိုပြီး ကျွတ်ကျွတ်အိတ်တစ်လုံးနဲ့ အပြည့် လာပေးရှာတယ်။ ဘာတွေလဲဆိုတော့...... မား လို့ခေါ်တဲ့ ဆေးခြောက်တွေ....
ကျွန်တော့မှာ ဘုရားမျိုးစုံ တ လိုက်ရတယ်။ ဘာလို့လဲဆိုတော့ ဘူတာကို အဖေနဲ့တကွ အဖေ့ရဲ့ တပည့်အပေါင်းက လိုက်ပို့ကြတာကိုး။ သိကြတော်မူတဲ့အတိုင်း အဖေက အဲဒီတုန်းက တောင်ငူက မြို့နယ်ရဲတပ်ဖွဲ့မှူး။ အဖေများ မိလိုက်လို့ကတော့......... သားလည်း ရှောင်မှာ မဟုတ်ဘူး။ ထောင်ထဲ တန်းပို့မှာ။

အဖေနဲ့ ပါတ်သက်ပြီး တစ်ခုပြောစရာရှိတယ်။ ကျွန်တော် ၁၀ တန်း ပထမနှစ် ဖြေပြီးတဲ့အချိန်။ အဲဒီတုန်းက ခေတ်စားတဲ့ Million 5 တို့ Billion 5 တို့ကို ကျွန်တော် ကောင်းကောင်းသုံးတတ်နေပြီ။ ညနေကျရင် မန္တလေး ဘီယာလေးလည်း စုပ်တတ်နေပြီ။ ဘီယာက တစ်ပုလင်းကို ၅၀။ မုန့်ဘိုးက တစ်ရက်စာလို့ မရှိဘူး၊ ကြုံရင်ကြုံသလိုတောင်းတာက အများဆုံးမှ ၅၀ တည်းရယ်။ ဘယ်လိုမှ မှီဝဲဘို့မလွယ်ဘူး။ အဲဒီတော့ ကျွန်တော်ရယ်၊ စခန်းမှူးသားရယ်၊ ဒုရဲအုပ်တစ်ယောက်ရဲ့သားရယ်၊ အရပ်ထဲက သူငယ်ချင်းတစ်ယောက်ရယ် စုပြီးတော့ ဗီဒီယို တစ်ရုံကို လေလံစွဲတယ်။ တစ်ရက်ကို ၄၀၀ နဲ့။ အက်ရှင်ကားတို့ သိုင်းကားတို့ ကုလားကားတို့တွေကို နေ့လည်ပိုင်းပြပြီးတော့ ညပိုင်းကျတော့ လူကြီးကားကို ခိုးပြကြတယ်။ ကျွန်တော်တို့လေလံစွဲတာက ၅ ရက်။ ၂ ရက်မြောက်နေ့မှာ အဖေ သတင်းရသွားလို့ ကျွန်တော့ကို သူ့ ရုံးခန်းထဲ ခေါ်ပြောတယ်။ အခုချက်ခြင်းရပ်တဲ့။
ကျွန်တော်တို့မှာလည်း ပိုက်ဆံကပေးပြီးသားဆိုတော့ မထူးဘူးဆိုပြီး ဆက်ပြတယ်။ ၃ ရက်မြောက်ညမှာ အိမ်ကို ညပွဲပြပြီးတော့ ခိုးပြန်လာတော့ အဖေက အိမ်ရှေ့နားက သူ့အလုပ်စားပွဲမှာ အလုပ်လုပ်တုန်း။ အဖေက " ဟေ့ကောင် မင်း အဲဒီမှာ ရပ်နေ " ဆိုပြီး ပြောတော့ ကျွန်တော် လှေကားထစ်အပေါ်လေးနားမှာ ရပ်နေရတာပေါ့။ အဖေက သူ့အလုပ်တွေ လက်စသပ်ပြီး ကျွန်တော့ဆီ လျှောက်လာပြီး လက်သီးနဲ့ ထိုးထည့်လိုက်တာ ကျွန်တော် လှေကား ၃ ထစ်ကနေ ဂျွမ်းပြန်ကျသွားပါလေရော။ အိမ်မှ အမေကော ညီအကို မောင်နှမတွေကကော ဘယ်သူမှာ လာမထူရဲဘူး။ မှတ်မှတ်ရရ အဖေဆုံးမခဲ့တာ အဲဒီတစ်ခါတည်းနဲ့ ကျွန်တော် အီစလန်ဝေသွားတာ။ ကျွန်တော့အဖေက အဲဒီလိုမျိုး။

အင်း ခုနက စာကို ဆက်ရရင်....
ကျွန်တော်ခုနက အထုပ်ကို အဖေ မသိအောင် သေသေချာချာ သံသေတ္တာထဲထည့်၊ ပြီးတော့မှ ရထားကြီးစီးပြီး ရန်ကုန်ကို ရောက်လာတယ် ဆိုပါတော့ဗျာ။
ရန်ကုန်မှာ ကျွန်တော်နေရတာက ဒူးယားဆောင်၊ အဲဒီအဆောင်က ကျွန်တော့အတွက် မစိမ်းဘူးဗျ။ ကျွန်တော် ကျောင်းမတက်ခင်ကတည်းက ကျွန်တော့ အကိုဝမ်းကွဲတစ်ယောက် ဒူးယားသားဆိုတော့ ရောက်ဘူးပြီးသား။ အဲဒီက ဟောကျုတာ ဆရာ ဦးမြင့်ကြွယ်ဆိုတာ ကျွန်တော်နဲ့က ဟိုးတုန်းကတည်းက ခင်မင်ပြီးသား (ရိုးရိုးသားသား ခင်တာပါ အဲဒီတုန်းကတည်းက)။ ဘာလို့ ရှင်းပြနေရသလဲဆိုတော့ ကျွန်တော်တို့ရဲ့ ဆရာက ကျွန်တော်တို့ စက်မှုတက္ကသိုလ်မှာ အမေကြွယ်လို့ ကျော်ကြားသူတစ်ယောက်မို့ အဲဒီလို ရှင်းပြနေရတာ။ သူ့ကိုယ်သူ အမြဲကြွေးကျော်နေလေ့ရှိတာက တောင်ဘက်လှည်းတန်းကနေ မြောက်ပိုင်း အင်းစိန်အထိ ပိုင်သတဲ့ အမေ ပါတဲ့။
အဲဒီလိုနဲ့ပေါ့ဗျာ....
ပထမနှစ် အူကြောင်ကျား လို့ပြောရမယ့်အရွယ်မှာ ကျွန်တော်က အတတ်ပညာ အဌာရသ အပြည့်အစုံနဲ့ ရွှေကျောင်းတော်ကြီးကို ရောက်လာတယ်ပဲ ဆိုပါတော့။ ကျွန်တော်နဲ့ အခန်းဖော် ဖြစ်မယ့် ငတိက ဖြူးမှာတုန်းက အတန်းဖော် ၀ဏ္ဏကျော်.. သူက အဆောင်ရပေမယ့် လာမနေတော့ ကျွန်တော်က တစ်ယောက်ခန်းလို အခန့်သားနေရတာပေါ့ဗျာ။
တစ်ယောက်ခန်းဆိုတော့ ဖဲရိုက်လည်း ကျွန်တော့အခန်း။ ဆေးချတော့လည်း ကျွန်တော့ အခန်း။ အရက်သောက်တော့လည်း ကျွန်တော့ အခန်း။ ပြောရရင် တော်တော် စည်တယ်ပေါ့ဗျာ။ ကျွန်တော်က အဖြူတော့ လုံးဝ မလုပ်ဘူးဗျ။ ကျွန်တော့် မျက်စေ့ရှေ့မှာ အဖြူစွဲပြီး ဒုက္ခရောက်ခဲ့တဲ့လူတွေကို အနီးကပ် တွေ့ဘူးခဲ့တော့ အဖြူကိုတော့ လုံးဝ ရှောင်တယ်။ ဆေးခြောက်ကိုတော့ စရောက်ရောက်ခြင်းလောက်ပဲ သုံးဖြစ်တယ်။ နောက်ပိုင်း မသုံးဖြစ်တော့ဘူး။ ကိုယ့်နယ် မဟုတ်တော့ ကြောက်တာလည်းပါတာပေါ့ဗျာ။ ပထမနှစ်မှာ ဆိုးချက်ကတော့ အဲဒီထက် ပိုတာတွေ ရှိပါသေးသပေါ့ဗျာ။ တစ်ချို့ဟာတွေတော့ ဆင်ဆာငြိတော့ ပြောလို့မရတဲ့အပိုင်းတွေပါတာပေါ့။
ဖိုးကေးလို့ခေါ်တဲ့ င၀န်နဒီ ပြောသလိုတွေပေါ့။
ဒူးယားဆောင်မှာ သတိအရဆုံးက ကျွန်တော်တို့ရဲ့ အဆောင်မှူး ဦးဝင်းမြင့်ဗျ။ ကျောင်းသားတွေအပေါ် သူ့ရဲ့ သားသမီး အရင်းလို ဆက်ဆံတာ။ သူ့မှာ သမီးလေး ၁၀ တန်း အရွယ်တစ်ယောက်ရှိတယ်။ ကျွန်တော်တို့ ကျောင်းသားတွေအတွက် မိန်းကလေး တစ်ယောက်ရှိတဲ့ ကျွန်တော်တို့ ဒူးယားက အင်မတန် မင်္ဂလာ ရှိပေါ့ဗျာ။ ကျွန်တော်တို့ တစ်ရက် အင်းယျားအဆောင်သူုလေးရယ်ကို ဖျက်ပြီး ဒူးယားအဆောင်သူလေးရယ် လို့ လုပ်ဆိုတော့ ဆရာ ဦးဝင်းမြင့်ခမျာ အဆောင်ပေါ်တက်လာပြီး တောင်းပန်ရှာတယ်။ ဟေ့ကောင်တွေ ငါ့သမီးကိုတော့ ချမ်းသာပေးပါကွာ တဲ့။
ဆရာဦးဝင်းမြင့်လည်း ဆုံးရှာပြီ။ ဆရာဦးမြင့်ကြွယ်လည်း ဆုံးရှာပါပြီ။ ဆရာတို့တတွေ ကောင်းရာသုဂတိ လားပါစေဗျာ။

ကျွန်တော်တို့ စက်မှုကျောင်းသားတွေရဲ့ စာကြိုးစားမှုကိုလည်း ပြောမှ ဖြစ်ဦးမှာပေါ့နော်။ ကျွန်တော်တို့ စက်မှုကျောင်းက ကျောင်းသားတွေ မအိပ်မနေ စာကြိုးစားကြတဲ့ တစ်ချိန်ရှိသဗျ။ အဲဒါကတော့ Private Study ပေးတဲ့အချိန်ပါပဲ။ တစ်နှစ်လုံး အလေတွေ လိုက်ကြပြီးမှ စာကြည့်ချိန်ပေးတဲ့ တစ်ပါတ် ၁၀ ရက်လောက်ကျတော့မှ တော်တော်များများက တွန်းကြတာပေါ့ဗျာ။ အဲဒီအချိန်ဆို စာကြည့်တိုက်ထဲမှာလည်း ကျွန်တော်တို့လို ကောင်တွေချည်းပဲပေါ့။ ည ည ဆိုရင်လည်း ဖဲရိုက်သံတွေ တိတ်၊ အရက်သောက် မူးတဲ့ကောင်လည်း ငြိမ်ပေါ့ဗျာ။ ဂစ်တာတီးချင်တဲ့ကောင်တောင် မတီးရဲဘူး အဲဒီအချိန်ဆို။ ဘေးခန်းက ဆရာ ငတိတွေက ပူညံပူညံ လုပ်မှာစိုးလို့။ ဂစ်တာကိုတောင် ပလပ်ကင်လေးပဲ တီးပြီး အာသာဖြေရတာ အဲဒီအချိန်ဆို။ ပြီးတော့ လူတွေအကုန်လုံးက စာအုပ်နဲ့ မျက်နှာနဲ့ မခွာတမ်းပေါ့။ အိမ်သာတက်ရင်တောင် စာအုပ်ကလေး ဂျိုင်းကြားညှပ်ပြီးတော့ သွားကြတာပေါ့။ အဲဒီလို ကြိုးစားကြတာ။

စာကြွင်း။ သူငယ်ချင်းတို့ မှတ်မိသမျှလေးတွေလည်း ဝေမျှကြပါဦး။ သိပ်လည်း အကုန်မမှတ်မိကြနဲ့နော်။
အိမ်က မိန်းမတွေ ဖတ်မိလို့ ကွာရှင်းစာချုပ်တွေမှာ လက်မှတ် ထိုးနေရမှာစိုးလို့။ ကျွန်တော်ကတော့ တစ်ချို့ဟာလေးတွေ မေ့ချင်ယောင် ဆောင်ထားတယ်ဗျ။ နောက် တစ်ခေါက်ကျရင်တော့ ကိုစာကလေး တို့နဲ့ စာကြိုးစားခဲ့တာလေးတွေ ထည့်ရေးပါဦးမယ်။

ခွဲခွာရမယ့် နေ့ရက်များ


ကျွန်တော် မသိခဲ့တဲ့ ကိုထူးအိမ်သင်ရဲ့ သီချင်းလေး တစ်ပုဒ်

Monday, February 13, 2012

သူငယ်ချင်း အချစ်ထက် ပိုချစ်ပါ

ကျွန်တော့ အသည်းစွဲ ကိုထူးအိမ်သင် ရဲ့ သီချင်းတစ်ပုဒ်....

Comparison of Whitney Houston and Htoo Aein Thin

I like both of this videos. But prefer our legend Htoo Aein Thin who is our Hero for ever.

Whitney Houston " I will always love you "



ထူးအိမ်သင် " ရင်ခွင်ပျောက်သူ "

ဒီနေ့ ဘာနေ့လဲ


ဒီနေ့ ဘာနေ့လဲဆိုတာကို ၁၈ နှစ်အရွယ် ကလေး တစ်ယောက်နဲ့ ၃၀ ကျော် အရွယ် လူရွယ်တစ်ယောက်ကို မေးဖြစ်တယ်။ ဘယ်သူ့မွေးနေ့လဲ ဆိုတာကို မေးခဲ့တာပါ။ နှစ်ယောက်စလုံး မဖြေနိုင်ခဲ့ကြဘူး။ အမှန်က မနေ့က မေးခဲ့တာပါ။ မနက်ဖြန် ဘယ်သူမွေးနေ့လဲဆိုတာ။ ဒီနေ့ကော ဘာနေ့လဲဆိုတာ မနေ့က မေးခဲ့တယ်။ မဖြေနိုင်ကြဘူး။ တော်တော် စိတ်မကောင်းစရာပါပဲ။

ဒါပေမယ့် ကျွန်တော်သာ မနက်ဖြန် ဘာနေ့လဲဆိုတာကို ဒီနေ့ မေးခဲ့ရင်တော့ သူတို့ ကောင်းကောင်း ဖြေနိုင်ကြမယ် ဆိုတာ သိတယ်။

တိုင်းပြည်အုပ်ချုပ်နေတဲ့ လူကြီးမင်းများ အခုလို တိုင်းပြည်ကို အုပ်ချုပ်ခွင့် လွတ်လွတ်လပ်လပ်ရနေအောင် ဘယ်သူက အဓိက လုပ်ဆောင်ပေးခဲ့သလဲဆိုတာ ပွင့်ပွင့်လင်းလင်း မြင်သင့်၊ သိသင့်ပါပြီ။

တိုင်းပြည်ရဲ့ အနာဂါတ် တေဇ လူငယ်လေးတွေကို ဘယ်နေရာမှာ အတုယူသင့်သလဲဆိုတာရယ်၊ တိုင်းပြည်ချစ်စိတ်ကို ဘယ်လိုဖော်ဆောင်မလဲဆိုတာရယ်၊ တိုင်းပြည်ရဲ့ ကျေးဇူးရှင်ဟာ ဘယ်သူ ဖြစ်ခဲ့သလဲဆိုတာရယ်ကို ဘက်လိုက်မှု ကင်းရှင်းစွာနဲ့ ပြန်လည် ဖော်ကျုးသင့်ပါပြီ။

ပွင့်ပွင့်လင်းလင်း ပြောရရင် ကျွန်တော် ပါတီ နိုင်ငံရေးကို စိတ်မ၀င်းစားပါဘူး။ ဒါပေမယ့် တိုင်းပြည် နိုင်ငံရေးကိုတော့ အထူးတလည် စိတ်ဝင်စားပါတယ်။ ဘယ်သူတွေပဲ တက်ပြီး အုပ်ချုပ်အုပ်ချုပ် တိုင်းပြည်ကောင်းစားရေးကို ဖော်ဆောင်နိုင်ရင် ကျွန်တော် ၀မ်းမြောက်ပါတယ်။ တိုင်းပြည်ကို အုပ်ချုပ်ပြီး " င " လေးလုံးကိုပဲ ဖော်ဆောင်နိုင်စွမ်းခဲ့သော တိုင်းပြည်ရဲ့ ကယ်တင်ရှင် ဆိုသူများကိုတော့ စက်ဆုပ်ပါတယ်။

ဒီနေ့လို နေ့မျိုးကိုတော့ ကလေးငယ်တွေ မမေ့သင့်အောင် သူတို့တွေရဲ့ အတွေးအခေါ်ထဲ တစ်ခုခု ၀င်အောင် လုပ်ပေးသင့်ပါတယ်။

ဗိုလ်ချုပ်ကို ချစ်သော
သက်ဝင်း

Friday, February 10, 2012

သန်းခေါင်ယံအတွေး



ညတစ်ညလို့ပြောပေမယ့်
ညတိုင်းပါပဲ
သန်းခေါင်ကျော်မှသာ
ဒါ ငါ့အတွက်လို့ ရေရွတ်
မျက်စေ့ကို စွတ်မှိတ်ခဲ့ရတာပဲလေ။

လူတကာတွေ မြူးနေချိန်မှာတဲ့
ငါ့ဘ၀က အမှောင်ထုရဲ့အောက်မှာ
မျက်ရည်လည်လည်တဲ့
ကိုထီး...
ခင်ဗျားကြီး ကျုပ်ကို စောင်းဆိုနေတာလားဗျာ။

စကားတစ်လုံး
ဒီအသုံးအနှုန်းကတော့
မင်းအတွက်... ပုံမှန်
ငါ့အတွက်တော့ ဗုံးဆံ ထိသလိုပဲ
မယဉ်ကျေးတဲ့ လူတွေရဲ့ကြားမှာ
ငါဟာလည်း အရိုင်းဆန်နေပြန်တာပေါ့။

သံသရာ အဆုံးထိ မတိုင်ပါဘူး
ဒီကဏ္ဍလေးသာ အဆုံးသတ်ပေးပါ
ရင်ဘတ်ထဲမှာ နှလုံးသားအတုတပ်
ဟန်ဆောင် မျက်နှာဖုံးလေးနဲ့
ဒီနွေကို ကျော်ဖြတ်ခွင့် ပြုပါ။

မိုးတွေ ရွာတဲ့အချိန်
ထီးကိုလည်း မဆောင်
ဆောင်းလေ့လည်း မရှိတဲ့ငါ
မိုးနဲ့အတူ မျက်ရည်တွေ ရွာချလိုက်ရင်
အပြင်လူတွေ မသိလောက်ပါဘူး
ဆောင်းတွင်းမှာ အခန်းအောင်းပြီး
မီးရောင်သာ ပိတ်ထား
ငါ့အနားမှာ ဘယ်သူမှ မရှိတဲ့အချိန်
နှင်းပုလဲခတာ ဘယ်သူ သိမှာလဲ။

Sex နဲ့ Lust သာ ကမ္ဘာလို့ထင်နေသလား
အသွေးအသားတွေ နဲ့ ထုလုပ်ထားတယ်တဲ့လား
နှလုံးအတုက စီးကျလာတဲ့ သွေးထဲမှာ
ငါ မေတ္တာတွေ အပြည့်အသိပ်ထည့်ထားတယ်
မင်း တစ်ခါလောက် သောက်သုံးကြည့်
စကားလုံးတွေနဲ့တော့ မရိပါနဲ့။

ရွှေလသာသော ည
ကောင်းကင်မှာ တွေ့နေရတာ
အမိုက်တိုက်....
အမှောင်တွေနဲ့ လ
မင်းယှဉ်ကြည့်ပါ
လ ကို တွေ့လား
ည ကို တွေ့လား
ဒါမှ မဟုတ် မင်း အမှောင်ကိုပဲ
တမ်းတပြီး မြင်နေတုန်းလား။

၁၀ တန်း ဒုတိယ နှစ်


ငယ်ငယ်တုန်းက အကြောင်းတွေ မရေးခင်မှာ ၁၀ တန်း ဒုတိယနှစ် အကြောင်းပဲ ရေးဦးမယ်။ သည်းခံပြီးတော့သာ အားပေးကြပါ။

၁၀ တန်း ဒုတိယနှစ်၊ ၁၉၈၉-၉၀ ပေါ့။ အဖေက ဖြူးမြို့ကို မြို့နယ် ရဲတပ်ဖွဲ့မှူုးအနေနဲ့ ပြောင်းရတယ်။
ဖြူးမှာ အထက်တန်းကျောင်းက နှစ်ကျောင်းပဲ ရှိတော့ အိမ်နဲ့ နီးတဲ့ အထက(၁) ကို အဖေက လိုက်အပ်ပေးတယ်။
ဒါပေမယ့် ကျွန်တော် အဲဒီအချိန်တုန်းက ကျောင်းကို မတက်ချင်တော့ဘူး၊ အပြင်ကပဲ ဖြေချင်တာ။ အဖေက အတင်းပြောလို့ ကျောင်းတွေဖွင့်ပြီး သုံးလ လောက်နေမှ တက်ဖြစ်တယ်။
ပထမဆုံး ကျောင်းသွားအပ်တော့ ကျောင်းအုပ်ဆရာကြီးဆီ အဖေက သေသေချာချာ လိုက်အပ်ပေးတယ်။
ဆရာကြီးက ကျွန်တော့ ပညာရေး နောက်ကြောင်းရာဇ၀င်ကို အဖေ့ဆီက ကြားတော့ A ခန်းမှာ ထားပေးမယ်ဆိုပြီး အဖေ့ကို ပြောလိုက်ပြီး ကျွန်တော့ကို ထားခဲ့ဖို့ ပြောတော့ အဖေက ပြန်သွားတာပေါ့။
ဒီလိုနဲ့ ဆရာကြီးက ဆရာမ တစ်ယောက်နဲ့ ကျွန်တော့ကို အခန်း သွားခိုင်းတယ်။ A ခန်းက အတန်းပိုင်ဆရာမက သူ့အခန်းက လူတော်တွေကို သေချာ ရွေးပြီးထားထားတာ နှစ်ကျကို လက်မခံနိုင်ပါဘူး ဆိုပြီး ငြင်းလွှတ်တော့ ကျွန်တော့ကို အဲဒီဆရာမက အခန်း B ကို ထပ်ပြီး လိုက်အပ်တယ်။ B အခန်းက အတန်းပိုင်ဆရာမက သူ့ဆီမှာ နေရာလွတ် မရှိတော့ဘူးဆိုပြီး ထပ်ငြင်းလွှတ်တော့ အခန်း C ကို ထပ်သွားအပ်ရပြန်တယ်။ အဲဒီအတန်းပိုင်ဆရာမက တစ်ခါ သူ့အခန်းမှာလည်း နေရာလွတ် မရှိပါဘူးဆိုပြီး ထပ် ငြင်းလွှတ်တော့ ကျွန်တော် တော်တော် ပေါက်ကွဲသွားပြီး တော်ပြီ ကျွန်တော် အိမ်ပဲ ပြန်တော့မယ်ဆိုပြီး ပြောတော့ လိုက်အပ်ပေးနေတဲ့ ဆရာမက ဆရာကြီးဆီ တစ်ခါပြန်ခေါ်သွားတာပေါ့နော်။
ဆရာကြီးကလည်း မရဘူး ဒါဆိုရင် အခန်း B မှာ ခုံတစ်ခုံ စီစဉ်ပေးလိုက်ဆိုပြီး ပြောလွှတ်လိုက်တော့ အောင့်သည်းအောင့်သက်နဲ့ အခန်း ဘီ ကို ကျွန်တော် ရောက်သွားပြန်ပါရော။ ဆရာမက ကိုယ့်ခုံကို ကိုယ်သယ်ဆိုပြီး အတန်းရဲ့ နောက်ဆုံး ဘယ်သူမှ မရှိတဲ့နေရာမှာ နေရာချလိုက်တယ်။
အဲဒီမှာ ကျွန်တော့အတွက် ဆိုးဖော်ဆိုးဖက် ဆိုရမယ့် သူငယ်ချင်း ခင်မောင်လွင် နဲ့ နီးစပ်သွားတော့တာပါပဲ။
ဒီကောင်နဲ့ ကျွန်တော်နဲ့ က အသက်လည်း သိပ်မကွာဘူး ကျွန်တော်ထင်တယ် အဲဒီတုန်းက အဲဒီကျောင်းမှာ ကျွန်တော်က ဒုတိယ အသက်အကြီးဆုံး၊ ခင်မောင်လွင်က တတိယ အကြီးဆုံးထင်တယ်။
ကျွန်တော်တို့ ဆိုးချက်ကတော့ ဆရာမတွေက အချိန်ပို ခေါ်သင်တယ်။ ထမင်းစားချိန် ခဏပေးတဲ့အချိန်မှာ ကျောင်းအုတ်တံတိုင်းကို ကျော်ပြီး ကျွန်တော်နဲ့ ခင်မောင်လွင်က ထန်းရည် သွားသောက်တယ်။ ပြီးရင် ခပ်တည်တည်နဲ့ ကျောင်းမှာ စာ ဆက်သင်တယ်။
ဒီလိုနဲ့ ဆရာမတွေက သင်္ချာဘာသာရပ်ကို အမှတ် ၃၀ နဲ့ စာစစ်တယ်။ ကျွန်တော်က အဲဒီတုန်းက ကျောင်းရောက်တာ တစ်လ မပြည့်သေးဘူး။ ပြောရရင် စာကို ကောင်းကောင်း မသင်ရသေးဘူး။ ဒါပေမယ့် ကျွန်တော် အမှတ်အများဆုံး ၂၉ မှတ် ရတယ်။
ဆရာမတွေက သိပ် အလေးမထားသေးဘူး။ ဒီကောင် စွတ်ရမ်း ဖြေရင်း ကြက်ကန်းဆန်အိုးတိုးတယ်ပေါ့။
နောက်တစ်ပါတ်ခြားတဲ့အချိန် ဇီဝ ထပ်စစ်တယ်။
အဲဒီမှာလည်း အမှတ်အများဆုံး ၂၈ မှတ် ကို ကျွန်တော်ပဲ ရတယ်။ အဲဒီမှာ ဆရာ/ဆရာမတွေ နည်းနည်း သတိထားမိကြတာပေါ့လေ ဒီဆရာကြီးကို ... ဟဲဟဲ..

နောက် ၁၀ တန်း နှစ်ကျတွေကို အမှတ် စာရင်း ထုတ်တော့ ကျွန်တော့ နာမည်ပါ ထည့်ပေးလိုက်တယ်။
အဲဒီမှာ ကျွန်တော် သိလိုက်တာက ပြီးခဲ့တဲ့နှစ်က ကျွန်တော် မြန်မာစာနဲ့ သင်္ချာ ဂုဏ်ထူးနှစ်ခုနဲ့ ကျွန်တော်ဖြေခဲ့တဲ့ ဘူးသီးတောင် မြို့နယ်မှာ အမှတ်အများဆုံးဆိုတာ တွေ့လိုက်ရတာ။ ကျွန်တော် ဟန်တောင် မဆောင်နိုင်ဘူး မျက်ရည်တွေကျပြီး ရှိုက်ကြီးတငင် ငိုလိုက်ရတာ... ဆရာ/ဆရာမတွေကလည်း သနားလို့ပေါ့ ကျွန်တော့ကို။ ( သနားပါတယ်နော် )...

အဲဒီမှာ ဇီဝဗေဒ ဆရာမ ( ကျွန်တော့ရဲ့ မိခင် လိုပဲ ကျွန်တော့ကို တော်တော်ချစ်တာ ) က သေသေချာချာ ထိန်းကျောင်းတာပဲ။ ကျွန်တော်က ၁၀ တန်းကျတာ ဓါတု လို့အောက်မေ့တာ ဇီဝဗေဒကို ၃၆ မှတ်နဲ့ ကျသွားတာလေ။ အဲဒီတုန်းက အိပ်ရေးတွေ မ၀လို့ စာတွေက ၂ ကြောင်းရေး ၂ ကြောင်းမေ့တွေ ဖြစ်ကုန်တာ။

ကျွန်တော် ဖြူးမှာတုန်းက ထန်းရည်လည်း ကောင်းကောင်း သောက်တတ်သွားတယ်။ တောအရက်ဆိုလည်း ချတာပဲ။ ဆေးခြောက်ဆိုလည်း တော်တော် ကြိုက်တာ အဲဒီတုန်းက။ ကောင်မလေးတွေနဲ့တော့ မရှုပ်ဘူးဗျ။ အဲဒီတုန်းက ဘယ်သူ့ကိုမှ စိတ်မ၀င်စားတာ။ ကျွန်တော့ကို ခင်ခင်မင်မင် ရှိရှာလေတဲ့ ကေခိုင်မြင့်ဆိုတဲ့ ကောင်မလေး တစ်ယောက်တော့ ရှိတယ်။ ဒါပေမယ့် ကျောင်းမှာ စကားတောင် ၅ မိနစ် ပြည့်အောင် မပြောဖူးဘူး။ ( အဲဒီကောင်မလေးနဲ့ တက္ကသိုလ် တတိယနှစ်မှာ ပြန်ဆုံတော့ ကျွန်တော့ ရည်းစားဖြစ်သွားရှာတယ်...... အခုတော့ ..............ဟဲဟဲ ကျွန်တော့ မိန်းမ ဖြစ်နေပြီ )

ကျွန်တော်တို့ ဆေးခြောက်ချတုန်းက မှတ်မှတ်ရရ ဖြူးရဲ့ တစ်ဘက်ကမ်း ၀ဲဒေါင့်ဆိုတာရှိတယ်။ ဖြူးမြို့အစွန်မှာပေါ့။ အဲဒီမှာ ဆေးခြောက်ပြဲပြဲနဲ့ အကြော်သွားစားတော့ မီးရထားသံလမ်းကို စားပွဲခွပြီး ထိုင်စားကြတာ။ ရထားကြီးက ကိုယ့်ဆီလာနေတာကို အားလုံးက တဟားဟားနဲ့ ရယ်ပြီး ကြည့်နေကြတာ။ နောက်မှ ဘေးက လူတွေက ၀ိုင်းအော်ကြလို့ ဆင်းပြေးကြတာ ရထားသံလမ်းပေါ်ကနေ။ နောက်မှ အမူးပြေမှ ပြန်စဉ်းစားကြည့်တော့ တော်တော် မိုက်ကြတာပဲပေါ့လေ။ ရထားကြီးကတော့ စားပွဲကြီးကို ကြိတ်သွားတော့ လျော်လိုက်ရသေးတယ် စားပွဲဖိုး။ ( :D )

ဒါပေမယ့် ကျွန်တော် ဘယ်လောက် ဆိုးဆိုး စာကိုတော့ မှန်မှန်လုပ်ခဲ့တာ။ အိမ်စာလည်း မလစ်ဟင်းဘူး။ ဇီဝကိုလည်း တစ်ရက် တစ်ပုဒ်နှုန်းနဲ့ ကျက်သွားလိုက်တာ။ စာမေးပွဲတွေ ဖြေတော့ သူများတွေ စာအုပ်နဲ့ မျက်နှာနဲ့ မခွာ စာမေးပွဲအခန်းထဲထိ ဖတ်နေမလား မှတ်ရတဲ့ အချိန် ကျွန်တော် ဟေမာနေ၀င်းရဲ့ " မောင် ... ဘယ်လို ဖြေဖြေ မရတော့ဘူး " ဆိုတဲ့ သီချင်းကို ကောင်မလေးတွေ အနား သွားသွားဆိုပြီး စ လို့ကောင်းနေတာပေါ့။

အဲဒီနှစ်မှာ ကျွန်တော် ဂုဏ်ထူး ၃ ဘာသာ နဲ့ မြို့နယ် ပထမ ဆုကို အောင်အောင် မြင်မြင် ရရှိခဲ့တယ်။

Thursday, February 9, 2012

အလယ်ပိုင်းကာလ


စာမရေးဖြစ်တာလည်း နည်းနည်းတော့ ကြာသွားတော့ ရေးရမှာ တော်တော်ပျင်းလာတယ်။
ရေးစရာတွေကတော့ အများသား။
ဘယ်က စလို့ ဘာကို ရေးရမှန်းလည်း မဆုံးဖြတ်နိုင်ဘူး ဖြစ်နေတယ်။
ကိုယ်ပိုင် ဆင်ဆာ နဲ့ ငြိနေတာက များနေတော့။
အင်း ...
တစ်ခုခုတော့ ရေးမှာပေါ့နော်။
ဟိုးတုန်းကတဲ့...
အလွန်ရိုးသား ဖြူစင်တဲ့ ကောင်လေး တစ်ယောက်ရှိတယ်တဲ့။ စာကိုပဲ ကြိုးစားပြီးတော့ ကျန်တာတွေဆို ဘာကိုမှ စိတ်မ၀င်စားဘူးတဲ့။
သူ့နာမည်ကတော့ အားလုံးသိကြတဲ့အတိုင်း မောင်သက်ဝင်း လို့ ခေါ်သတဲ့။
သူ့ဘ၀မှာ အကြီးကျယ်ဆုံးပြောင်းလဲသွားတာက သူ့ရဲ့ ၁၀ တန်း စာမေးပွဲကို ကျရှုံးတဲ့အချိန်ပဲတဲ့။ သူ့ဘ၀မှာ ပထမဆုံး ကျရှုံးခြင်းလည်း ဖြစ်တယ်တဲ့။
အဓိက ကျရှုံးရတာက ၀ီရိယ လွန်ကဲမှုကြောင့် ပေါ့။ စာတွေကို အိပ်ချိန်နည်းနည်းပဲ ထားပြီး ကျက်လိုက်တာ ၁၀ တန်းကို ဂုဏ်ထူး ၂ ဘာသာ၊ မြို့နယ်မှာ အမှတ်အများဆုံးနဲ့ ကျရှုံးသတဲ့လေ။
အဲဒီမှာ ကောင်လေးက ပေါက်ကွဲပြီး ၁၀ တန်း ဒုတိယနှစ်မှာ အင်မတန် တေလေပြီးတော့ ဆိုးသွမ်းခဲ့တယ်တဲ့။ ဒါပေမယ့် ပထမနှစ်မှာ ပါရမီ ပြည့်ခဲ့တော့ စာမေးပွဲမှာ မြို့နယ် ပထမ အဆင့်အနေနဲ့ပဲ အောင်မြင်ခဲ့သတဲ့။
ကောင်လေးက သူဝါသနာပါတဲ့ စက်မှုတက္ကသိုလ်ကို ရွေးချယ်မှု အဆင့် ပထမ နဲ့ ဒုတိယတွေ တတိယတွေ မထားပဲ လျှောက်ထားပြီး အဲဒီ စွယ်တော်တွေနဲ့ လှပတဲ့ အင်းစိန် ကြို့ကုန်း က စက်မှုတက္ကသိုလ်ကြီးဆီမှာ ပညာ သင်ကြားခဲ့သတဲ့။ ဒါပေမယ့် အဲဒီကျောင်းမှာ သူနာမည် ကျော်တာကတော့ ဖဲအလွန်ရိုက်တဲ့သူဆိုပြီး ကျော်ကြားသတဲ့။ အရက်သောက် ရန်ဖြစ် အဆောင်ရှေ့မှာ မူးမူးနဲ့ သီချင်းသွားအော်ဆို။ အဆောင်မှုးတွေလိုက်ရင် အဆောင်တွေကို ပတ်ပြီးပြေး... အဲဒီလိုနဲ့ပဲ စက်မှုတက္ကသိုလ်ကနေ ဘွဲ့တစ်ခု ရလာခဲ့တာပေါ့လေ။
အခုတော့ သားကျွေးမှု မယားကျွေးမှုတွေနဲ့ ကျွန်းနိုင်ငံ သေးသေးလေးတစ်ခုမှာ ရာထူးကြီးကြီးနဲ့ ကုမ္ပဏ္ဏီ သေးသေး တစ်ခုမှာ အလုပ်လုပ်နေရှာသတဲ့။
ဒါပေမယ့် အဲဒီကျွန်းမှာလည်း သူဟာ မလိမ္မာသေးပဲနဲ့ မိုက်တုန်း ရှိနေသေးသတဲ့။

အင်း ဒီလောက်ဆိုရင် နည်းနည်းတော့ အားသာပြေ ရေးဖြစ်သွားတာပေါ့နော်။
နောက်ကြုံမှပဲ သမီးစံ ရဲ့ တပ်ဂ် ငယ်ငယ်တုန်းက အမှတ်တရလေးတွေ ထပ်ရေးပါဦးမယ်။
ချစ်ခင်စွာဖြင့်.....

Thursday, February 2, 2012

ခွန်အားဖြည့်


စာရေးဖို့ကို လက်မှာလည်း အားမရှိဘူး
နှလုံးသားကလည်း ခွင့်မပြုဘူး
ဥဏှောက်ကလည်း မတွေးနိုင်တော့ဘူး

အရုပ်ကြိုးပြတ်.....တဲ့

ငါကြိုက်တာက Celine Dion ရဲ့ Lonely
Akon ရဲ့ Lonely နဲ့ အပြိုင်ပေါ့
ဖြစ်နေတာကလည်း တစ်ယောက်တည်း
နိမိတ်တွေအပြည့်နဲ့ သီချင်းတွေပဲ
ငါလေ ရူးသွပ်ခဲ့
ညီထွဋ်ကတော့ ပြောရှာသား
မင်းတစ်ယောက်တည်း မဟုတ်ဘူး တဲ့
ဒါပေမယ့် ငါ မယုံနိုင်ပါဘူးလေ

ကိုငှက်ရဲ့ အမေ့အိမ်ကိုလည်း
ငါမှ မပြန်နိုင်တော့တာ
တွေဝေနေခဲ့တာကိုက အမှားများနဲ့ပေါ့
Good Bye လို့ မပြောခင်မှာ
နှလုံးသားရဲ့ အသံကို နားဆင်ကြည့်
ငါဟာ တကယ်ကိုပဲ
အညံ့ပန်းဘ၀နဲ့ပဲ ထိုက်တန်ခဲ့သလား
ဒီကြိုးကို ဖြတ်ဖို့ ခွန်းအားတစ်ခု ဖြည့်ပေးခဲ့ပါ။

Tuesday, January 31, 2012

ဘယ်တော့မှ မမေ့ဘူး

ကျွန်တော် ကြိုက်ခဲ့တဲ့ သီချင်းလေးပါပဲ။
ဘယ်တော့မှ မမေ့ဘူးတဲ့။
ဘယ်သူတွေ ဘာပဲပြောပြော ဦးကျော်ကြီး က သူ့ရဲ့ ခေတ်တစ်ခေတ်ကို ထိန်းနိုင်ခဲ့တယ်။
ခုတော့ ဦးပဉ္ဇင်းကြီး လည်း ဘယ်မှာရောက်ပြီး ဘာတရားတွေများ ရှုနေလဲ မသိဘူးနော်။

Monday, January 30, 2012

Sky Park Hotel မှာ တစ်ညတာ





ဒီနေ့ Sky Park Hotel မှာ တစ်ည အိပ်စက်ခွင့် ရတယ်။
ပျော်သလို ရှိခဲ့ပေမယ့် တစ်ကယ် ရောက်တဲ့ အခါကျတော့ အိမ်က အိပ်ယာကို ပိုလွမ်းမိတယ်။
ဘာမှ ထူးခြားမှု မရှိပေမယ့် ကိုယ့်လစာနဲ့ဆိုရင် အနားတောင် မကပ်နိုင်တဲ့နေရာမို့လို့ သည်းညည်းခံပြီး အိပ်ရတော့မှာပဲလေ။

အစားအစာတွေကလည်း ဈေးကြီးလိုက်တာ ဘာမှတောင် မှာမစားရဲလို့ ကော်ဖီလေး တစ်ခွက်ပဲ ဖျော်သောက်လိုက်တယ်။

ဒီလို နေရာမျိုးမှာ မိသားစုနဲ့သာ လာနေရရင်တော့ တကယ် ပျော်မိမှာပဲ။
ခုတော့ ပိုပြီး အထီးကျန်တဲ့ ဝေဒနာကို ခံစားရတယ်။
ကျွန်တော်က နဂိုကတည်းက အိမ်ချစ်တဲ့သူပဲ။
ပြောရင်းဆိုရင်းနဲ့ ရန်ကုန် က ကျွန်တော်တို့မိသားစုကို ပို ပို လွမ်းမိတယ်။

Sky Park ကို သွားချင်ရင် ၂၀ တဲ့။ ဒါပေမယ့် ကျွန်တော့မှာ Member Card ရှိတော့ တက်ကြည့်မယ်ဆိုရင် အလကားတော့ တက်ကြည့်ခွင့် ရမှာပါ။ စိတ်ထဲ မပါလို့ တက်မကြည့်တော့ပါဘူး။

အခန်းကို မီးပိတ်ပြီး အပြင်ဘက်ကိုပဲ ငေးနေမိတယ်။

စင်ကာပူမြို့ကြီးကတော့ သူ့ဟာသူ လှနေတာပါပဲ။ ကျွန်တော့မှာတော့ အမျှင်မပြတ်တဲ့ အတွေးတွေနဲ့။
ကိုထီးရဲ့ သီချင်းသံကတော့ အခန်းထဲမှာ ပြန့်လွင့်လို့ပေါ့။
ငယ်စဉ်က ကလေးလေး ဘ၀မှာ.... ဆိုပြီးတော့ ကျွန်တော့ကို ပိုပြီး အထီးကျန်စေတယ်။

ဒီတစ်ညကိုတော့ ကျွန်တော် ကျော်ဖြတ်ရမယ့် ခက်ခဲတဲ့ ည တစ်ည ထဲမှာ စာရင်းတို့ထားရတော့မယ် ထင်ပါရဲ့။
ညတွေမှာလည်း အိပ်မပျော်တဲ့ ရောဂါက ပြန်စနေတာကိုး။

ဓါတ်ပုံလေးတွေကိုတော့ အမှတ်တရ အနေနဲ့ပဲ ရိုက်မိတာပေါ့နော်။

အမျိုးချစ်တဲ့ကျုပ်ရဲ့ ကာရန်မရှိသော ကဗျာ တစ်ပုဒ်


ကမ္ဘာမှာ မြန်မာဝင့်ကြွားစေရယ်ဖို့
ခင်ဗျားတို့ အတုယူထိုက်သော အရာကို အတုယူကြပါ။

ဒါကိုတော့ လက်မခံနိုင်ဘူး
ဒို့တွေရဲ့ အမူအကျင့်နဲ့ မအပ်စပ်ဘူးဆိုတဲ့အရာကို
ရှောင်ကြဉ်ကြပါ။

ဘယ်သူမှ ခြောက်ပစ်ကင်း သဲလဲစင် မရှိပါဘူး

ကျုပ်ကတော့ ရင်မောတယ်

ဝင်လည်း မပါချင်ဘူး။

မကြည့်ပဲနဲ့လည်း မနေနိုင်လို့
အမြဲတမ်းပဲ စောင့်ကြည့် လေ့လာတယ်။

တဏှာမပါပဲ
အပြာကား ရိုက်လို့ရသလား

သွားစမ်းပါ။

အမျိုးဂုဏ်ဆိုတာဘာလဲ။

ခင်ဗျား အဖေနဲ့ အမေ ရဲ့ အမျိုးကို
ကျုပ် ပြောနေတာ မဟုတ်ဘူး။

ယဉ်ကျေးမှုကိုကော နားလည်ရဲ့လား
နိုင်ငံခြားမှာ အနေကြာလို့
ခင်ဗျားကြီး မေ့သွားတာလား။

သခင်ကိုယ်တော်မှိုင်းကြီး
မျက်ရည်ကျရမယ့် နေ့တွေ ဖန်တီးနေတာလား။

ကျုပ်ကတော့ ကျုပ်တို့ တိုင်းပြည်ကိုပဲ ချစ်တယ်
ကျုပ်တို့ ယဉ်ကျေးမှုကိုပဲ မြတ်နိုးတယ်

လျှာပေါ်မှာ မြက်ပေါက်ပါစေ
အလေလိုက်မယ့် စိတ်ထားနဲ့
ကျုပ်ကို လာ မဖြားယောင်းနဲ့
ကျုပ်ကတော့ ဗူးဆို ဖရုံ မသီးဘူး
ပြီးမှလည်း ငြမ်း မဖျက်တတ်ဘူး။

ဒါပေမယ့် တစ်ခုပဲ ပြောမယ်
ကျုပ် အမျိုးကိုတော့ ချစ်တယ်။

Saturday, January 28, 2012

ပညာရေးနှင့် တိုင်းပြည် အနာဂါတ် အလားအလာ


ကျွန်တော်သည် စက်မှုတက္ကသိုလ်မှ ဘွဲ့ရ တစ်ဦး ဖြစ်ပါသည်။ ကျွန်တော် ပထမနှစ် စတက်ခဲ့စဉ်က သင်္ချာဘာသာရပ်များမှာ အထက်တန်းကျောင်းမှ သင်ထားသော ဘာသာရပ်နဲ့ အလွန်ကွဲပြားသည့်အတွက် မဖြစ်မနေ ကျူရှင်ယူပြီး နားလည်နိုင်အောင် ကြိုးစားခဲ့ရသည်။ ဘာသာရပ်များ ခွဲပြီးသည့် အခါတွင်ကား ကျူရှင်ယူစရာ မလိုတော့ပေ။ မိမိအခန်းတွင် သင်သော သက်ဆိုင်သော ဘာသာရပ်များကို ဆရာများမှ သင်ယူထားသည့်အတိုင်း လေ့လာခဲ့ပြီး နားမလည်သည့် အကြောင်းအရာများကို စာကြည့်တိုက်များမှ လည်းကောင်း၊ ဆရာများထံ ချဉ်းကပ်၍လည်းကောင်း သင်ယူခဲ့ရသည်။ စာမေးပွဲများတွင် အဆင့်မကောင်းသော်လည်း အောင်မြင်အောင် ဖြေဆိုနိုင်ခဲ့ပါသည်။
ယခု ကျွန်တော်၏သား အလှည့်။ သူသည်လည်း မြို့ပြဘာသာရပ်ဖြင့် ပထမနှစ်တက်နေသူ ဖြစ်လေသည်။ သားဖြစ်သူမှ ကျူရှင်ယူလိုသည်ဟု ပြောသည်ကို ကြားခါစတွင် မအံ့သြမိသော်လည်း ဘာကြောင့် ယူချင်ရသည်ကို မေးမြန်းရာမှ အကြောင်းစုံ သိရ၍ အလွန်တရာမှ တုန်လှုပ်မိလေတော့သည်။ သားဖြစ်သူမှ ဆရာ/ဆရာမ များမှ အတန်းတွင် စာကောင်းစွာ မသင်ကြားကြောင်းနှင့် သင်ရိုးကိုလည်း ကောင်းစွာ မသင်ဟု သိရသည်။ အပြင်တွင် ကျူရှင်ဖွင့်ထား၍ ကျူရှင်တွင်သာ သင်သည်။ အတန်းတွင် လူစာရင်းစစ်ခြင်းသည်သာ အဓိကထားပြီး ကျောင်းသားများ ပျက်စီးနေမှုကို လျှစ်လျူရှုထားသည့် အဖြစ်ကို သားမှ တစ်ဆင့်သိရ၍ တုန်လှုပ်မိပါသည်။ ကျွန်တော့မှာ မယုံနိုင်၍ သား၏ အကိုတော်သူတစ်ဦးအား ကျောင်းကို သားနှင့်အတူတက်၍ စုံစမ်းခိုင်းမိသည်မှ အကြောင်းစုံကို ပို၍ သိလာရသည်။
တိုင်းပြည်တစ်ပြည်၏ အနာဂါတ်အလားအလာမှာ ပညာရေးသည် အဓိက ကျသော နေရာမှ ပါဝင်ပေသည်။ ကျွန်တော်တို့သင်ယူခဲ့သော၊ ကျွန်တော့သား သင်ယူနေသော အင်ဂျင်နီယာ ဘာသာရပ်များမှာ ပို၍ နက်နဲစွာ ပါဝင်မည်မှာ မြေကြီးလက်ခက်မလွဲပေ။ ကျွန်တော်တို့တိုင်းပြည်၏ အဓိက လိုအပ်ချက်များ ဖြစ်သော အခြေခံ အဆောက်အဦများမှာ ကျွန်တော်တို့ကဲ့သို့ အင်ဂျင်နီယာများမှ တည်ဆောက်ရမည် မဟုတ်ပါလော။ ယခုအချိန်ကဲ့သို့ တိုင်းပြည်၏ ကောင်းမွန်သော ပြောင်းလဲချက်များကို ခေတ်နှင့်လျော်ညီစွာ တည်ဆောက်ရမည်မှာ ယခုခေတ် လူငယ်လူရွယ်တို့၏ အင်အားနှင့် တစ်တပ်တစ်အား ပါဝင် ဆောင်ရွက်မှုသည် အရေးပါပေသည်။ လူငယ် လူရွယ်တို့၏ အညွန့်ကို ယခုကဲ့သို့ ရိုက်ချိုးနေခြင်းမှာ တိုင်းပြည်အတွက် အလွန်ပင် နစ်နာပေသည်။ ယခုဆိုလျင် ကျွန်တော်၏သားမှာ မြန်မာပြည်တွင် ပညာ သင်ကြားလိုစိတ် မရှိပဲ နိုင်ငံခြား တိုင်းပြည် တစ်ခုတွင် ပညာသင်ကြားလိုနေသည်မှာ လူငယ်လူရွယ်တစ်ဦး၏ မြန်မာပြည် ပညာရေးစနစ်ကို ပြက်ရယ်ပြုလိုက်ခြင်းသာ ဖြစ်သည်ဟု ကျွန်တော့အနေနဲ့ ခံစားမိပါသည်။
အရင်းစစ် အမြစ်မြေက ဆိုသကဲ့သို့ ဘာကြောင့် ယခုလို ဖြစ်ပျက်ရပါလဲ။ တိုင်းပြည်၏ ခေါင်းဆောင်များဟု ဆိုသော ပုဂ္ဂိုလ်များ အလေးအနက်ထား စဉ်းစားသင့်သော အရာတစ်ခု ဖြစ်ပါသည်။ ကျွန်တော့အနေဖြင့် ရိုးရိုးရှင်းရှင်းသာ မြင်ပါသည်။ အဓိက ပြဿနာမှာ စားဝတ်နေရေးသာ ဖြစ်ပေလိမ့်မည်။ ဆရာ/ဆရာမ များအား လစာ ကောင်းစွာ မထောက်ပံ့ခြင်းသာလျှင် အဓိက ဖြစ်ပေလိမ့်မည်။ ဆရာ/ဆရာမ များအား လစာ ကောင်းစွာ ထောက်ပံ့ခြင်းဖြင့် ကျောင်းတွင် စာသင်ကြားရေးကိုသာ အာရုံစိုက်မည် ဆိုပါက မည်သူမျှ ကျူရှင်ပညာရေးကို လုပ်လိမ့်မည် မဟုတ်ချေ။
မိမိတို့တိုင်းပြည်၏ ၀န်ထမ်းများအား လစာ ကောင်းမွန်စွာ မထောက်ပံ့နိုင်လျှင် မည်ကဲ့သို့သော အဂတိမျိုးကို ပိတ်ပင်တားဆီးနိုင်မည်နည်း။ အရေးကြီးသော အချက်ပင် ဖြစ်သည်။ ၀န်ထမ်းများအား လစာကောင်းမွန်စွာ ထောက်ပံ့ပြီးသကာလ ကုန်ဈေးနှုန်းများ လိုက်မြှင့်တက်မည့် ၀ိသမလောဘသမားများအား ထိန်းချုပ်ရမည်မှာ တိုင်းပြည် အုပ်ချုပ်နေသော၊ ပြည်သူများမှ တင်မြှောက်ထားသည့် သမ္မတကြီးနှင့်တကွ အုပ်ချုပ်ရေးပိုင်းမှ တာဝန်ရှိသူများသာ ဖြစ်သည်။

Friday, January 27, 2012

စိတ်ကျ ပန်းချီကား


အိပ်မရတဲ့ည သံသရာတွေ
ငါ့ဆီ တစ်ခါ ပြန်လာပြန်ပါပေါ့။

တစ်ခါတစ်ခါများ
စိတ်အစာတွေများ မကြေလို့လား
စိတ်ကြေဆေးလေး ပေးကြပါဦး
သန်းခေါင်ယံမှ သီတဲ့
ဥသြသံလည်း ငါ နားခါးတယ်
အိမ်ကိုပဲ လွမ်းနေတာလား
အရင်ဘ၀ကိုများ တမ်းတမိလေသလား
နတ်ဆိုးတစ်ကောင်ကိုများ အားကျပြန်လေသလား
လား ပေါင်းများစွာနဲ့
ည ပေါင်းများစွာကို ကျော်ဖြတ်
မနက် က တကယ် နေထွက်ခဲ့
ငါလည်း နွေနံနက်ခင်းရဲ့ အလှကို
မသိလိုက်ရဘူး
ငါ့ကဗျာတွေဟာလည်း တကယ်
မအပ်စပ်တော့ပါဘူး
ရောင်စဉ်တွေ ခုနှစ်ထွေမကတဲ့
သံသာလေ ကမ်းတိုင်လည်း
ငါ မညည်းနိုင်ပြန်
ငါ့ကို အိမ်ပြန်ပို့ကြပါဦး။

Thursday, January 26, 2012

သိလျက်နဲ့




ဒီသီချင်းလေးကို ကိုကျော်ကြီးဆီက ဒေါင်းထားတာပါ။

ငါ အရှုံးပေးရတဲ့ ည


ဒီညကတော့
ငါ အရှုံးပေးရတဲ့ည...

အိပ်စက်နည်း မျိုးစုံကလည်း
ငါ့ကို အရှုံးပေးရတဲ့ည...

စာအုပ်တွေ ဖတ်ပါလားတဲ့
တစ်မျက်နှာပြီး တစ်မျက်နှာ
စာအုပ်သာ ပြီးဆုံး
ငါ လုံးလုံး အိပ်မရတဲ့ည...



တရားတွေ နာပါလားတဲ့
ဆရာတော်ကိုတော့ အားနာပါတယ်
ဒါပေမယ့် ကြိုးစားကြည့်တော့လည်း
တရားသာ ပြီးဆုံး
ငါ လုံးလုံး အိပ်မရတဲ့ည...

အရက်နဲ့ ဘီယာ
တွဲကာသာ ချ သူငယ်ချင်းတဲ့
ပုလင်းသာ လဲသွားတယ်
ငါ့မှာ ရင်တွေ ပူတုန်း
ငါ လုံးလုံး အိပ်မရတဲ့ည...

ဆေးလိပ် သောက်ပြီး အိပ်တဲ့
ဗူးတစ်ဝက်သာ ကျိုးသွားတယ်
ရင်မှာ ဗလောင်ဆူတုန်း
ငါ လုံးလုံး အိပ်မရတဲ့ည...

ဘယ်လို နတ်ဆိုးပါလိမ့်
ငါ့ရဲ့ အိပ်စက်ခြင်းကို သူ သိမ်းပိုက်
ငါ့ကို မှောင်မိုက်တဲ့ ညမှာ
သူ ပစ်ထားခဲ့တာပဲ
ငရဲ တစ်ပိုင်းဆိုတာကို
ည တိုင်းတော့ မကြုံချင်ဘူး
အိပ်ဖန်စောင့်နတ်ရေ
ငါ့ ကို ပစ်ခွာမပြေးဖို့
တောင်းပန် ပေးကြပါဦး
ဒီညလေးကိုတော့
ငါ့ အတွက် ချန်ထားပေးပါ။

အိပ်စက်ခြင်းမဲ့တဲ့ ည


အိပ်စက်ခြင်းတွေ
ဖန်တီးလို့မရတဲ့
ညတစ်ည.....

လ ကလည်း မသာ
ကြယ်ကလည်း ပျောက်
အရက်တွေ သောက်ပြီး
မညည်းပဲ အိပ်ကြည့်တယ်.....



ဆေးလိပ်တွေလည်း ဖွာ
တစ်လိပ်ပြီးတစ်လိပ်
ငါ့ရဲ့နိမိတ်တွေ ဖမ်းကြည့်တယ်
အတိတ်သာ ရှိတယ်
အနာဂတ်က ပျောက်
ပစ္စုပ္ပန်မှာ တစ်ထောက်နား
ငါ ခဏလောက် အိပ်ပါရစေ......

သီချင်းသံတွေလည်း
နားစည်မှာ တိုးမပေါက်
ယောက်ယက်ခပ်နေတဲ့
အတွေးစ ဝေဒနာ
ငါ ဘာနဲ့ ရှုရမှာလဲ
အတိတ်ကိုသာ တမ်းတမိတယ်.....

ဟိုးအရင် ငါ့ရဲ့ အတိတ်
မာနတွေ တံခွန်လိုထူပြီး
လူဆိုရင် ဗိုလ်မထားခဲ့တာ
ခုမှ ဘာလို့ ၀ဇီပိတ်
ကြိတ်လို့သာ နေပါလိမ့်......

မခံချိ မခံသာ
ကံကြမ္မာသာ ယိုးမယ်ဖွဲ့စေခဲ့တဲ့
မောဟတွေ ပေးတဲ့ည
ငါ အိပ်စက်လို့ မရတာ
အခါခါလည်း ရှိခဲ့ပြီ......

ရင်ထဲမှာ ဒေါသ မီးတောင်
လောင်ကျွမ်းရင်း ဖြတ်သန်း
ဗြန်းကနဲ သာ ငါ့ ရင်ပေါက်ကွဲ
အလဲအကွဲ တွေပဲ ကြုံပြန်တယ်......

တောက်......
ဒီမှာ တစ်ခေါက်လောက်ပါ
ငါ့မျက်နှာကို စေ့စေ့ကြည့်စမ်းပါ
ငါ ဟာ အပေါစား မဟုတ်ဘူး
ပြောသမျှကို သည်းညည်းခံပေမယ့်
ငါ အကြံအဖန် မဟုတ်ဘူး
မင်း လုပ်သမျှကို လည်ထောက်စင်းခံပေမယ့်
ငါ ကျောက်ရုပ်မဟုတ်ဘူး.......

သနားတတ်တဲ့ ငါ့နှလုံးသားကို
မြိန်ရည်ယှက်ရည် စားသုံးပါ
အလကားတော့ အဖြစ်မခံပါနဲ့
ဒါပေမယ့်
တောင်းပန်ပါရစေ
ဒီညလေးကိုတော့
ငါ့ကို ပေးသနားပါ
အိပ်မက်မှာ ငါ ပျော်နေသရွေ့
မေ့နေဦးမယ့် ငါ့ဘ၀မို့
ဒီညအဖို့တော့ တိတ်တဆိတ်
ငါ အိပ်ပါရစေ။

Wednesday, January 25, 2012

မေးခွန်းနဲ့ အဖြေ


တစ်ခါတစ်လေတော့လည်း
မေးခွန်းတွေက သိပ်လွယ်ပေမယ့်
ဖြေရခက်တယ်။

နှစ်ယောက်တစ်အိပ်မက်ဆိုတာ
ရုပ်ရှင်မှာပဲ ရှိတာပါ
အပြင်မှာ လက်တွေ့က
တစ်ယောက် တစ်အိပ်မက်တောင်
မက်လို့ မဆုံးနိုင်ဘူး။




သံသရာခရီးကို
လည်ရင်းနဲ့ ခဏတာ ရောက်ခဲ့တာ
ထောက်ထားစရာတွေနဲ့
လျှောက်မြဲလျှောက်ပေါ့
ဘာကြောင့် ခုမှ ညည်းမှာလဲ။

ကမ္ဘာဟာ သူ့ဘာသာ တေးဆို
ငိုကြွေးမှာတော့ မဟုတ်ပေဘူး
မှားယွင်းမှုက သင့်နောက်ကျောမှာလေ
ရင်ဘက်ထိတော့ မရောက်စေနဲ့ပေါ့။

တစ်ခါတစ်လေတော့လည်း
မေးခွန်းတွေက သိပ်လွယ်ပေမယ့်
ဖြေရခက်တယ်။

Tuesday, January 24, 2012

Saturday, January 21, 2012

ဘယ်မှာလဲ.......


ဥသြ တွေလည်း
တေးသီနေဆဲ
ရင်ထဲမှာလည်း
လွမ်းမိနေမြဲ........

ကာရန်မသိတော့တဲ့
ကဗျာတစ်ပုဒ်
အလွမ်းတွေနဲ့ပဲ ထုပ်သိမ်းထားတယ်


တစ်ရံရောအခါဆီလည်း
ငါ ပြန်ပြီး မလွမ်းချင်တော့ပါဘူး
ထူးပြီးတော့လည်း မစွမ်းသာ
ရင်ထဲမှာက လမင်းပျောက်
မင်းဟာလည်း ငါ့နတ်သမီး မဟုတ်ပြန်
မှန်ကန်သော သစ္စာလည်း
ပစ်ခွာ ထွက်ပြေး
အဝေးကြီးဆိုပေမယ့်
ငါ့ရှေ့မှာ မင်းရပ်နေတုန်းပဲလေ။

Friday, January 20, 2012

ပျော်စရာနေ့တဲ့လား


ပျော်စရာ ကောင်းတဲ့နေ့
ဘယ်နေ့ပါလိမ့်
ပြက္ခဒိန်မှာ ရှာမတွေ့
ရွေ့လျားမှု နိယာမ မှာလည်း မရှိ
အသိတွေကလည်း မှုန်ဝါးလို့
ထွေပြားတဲ့ စိတ်ကို ထိန်းချုပ်
ငါ့ကို တုပ်နှောင်နေတဲ့
တစ်ချောင်းသော ကြိုးကို ဖြတ်
ရှေ့ဆက်ရမယ့်လမ်းကို ဟန်နဲ့ လျှောက်
ဒူးတော့ မထောက်ပါဘူး
ရူးမလောက်လည်း ဖြစ်ခဲ့တာမှ မဟုတ်တာ
ပျော်စရာ ဆိုတာ အဖော်ရှာမှ
ဖြစ်ရမှာတဲ့လား
ငယ်ချစ်ရာ။

Thursday, January 19, 2012

ချစ်သော ဇနီးသို့ လွမ်းချင်း


ချစ်သူရေ......
တစ်ခါတစ်လေတော့လည်း
လွမ်းမိနေဆဲပါပဲ။

ဟိုးတုန်းက အချိန်တွေဆို
ပျော်စရာ ဆွေအပေါင်းနဲ့
ဒို့တွေ ကောင်းကောင်း ပျော်ခဲ့ကြတာပေါ့။

ခုတော့လည်း.....
အတိတ်ဆီ ပြန်မသွားနိုင်တဲ့
အချိန်ရထားကြီးက
အသာစီးရနေပြီလေ။

အနာဂါတ်မှာ
ကိုယ်တို့ရဲ့ ဘ၀သာယာဖို့
အထာမကျတဲ့ အရပ်မှာ
အလွမ်းဇာတ်ပဲ ကနေရဦးမယ်။

Wednesday, January 18, 2012

ရိုင်းတဲ့ စကား


စကားပြော ရိုင်းတဲ့သူတွေကို ဒီစင်ကာပူမှာ တွေ့နေရတာတော့ အများကြီးပါပဲ။ တစ်ချို့ကတော့ လူမျိုးမတူ စရိုက်ကွဲပြားကျတော့ နားထောင်ရတာ အင်မတန်မှ ရိုင်းပါတယ်။ တစ်ချို့ကျတော့ အကျင့်ပါနေလို့ စကားပြော ရိုင်းပါတယ်။
ကျွန်တော်တွေ့ကြုံရတဲ့ သူတွေထဲက တစ်ချို့အကြောင်းလေးတွေ ပြောပြပါ့မယ်။
၁။ ကျွန်တော့ သူဌေး စင်ကာပူ တရုတ်
စကားပြောရင် WTF ကို ထည့်ပြောတတ်တယ်။ နားထောင်ရတာ သူတို့အတွက် ဘာမှ မဆန်းပေမယ့် ကျွန်တော့လို လူအတွက်ကတော့ ဒီလူ တော်တော် ရိုင်းပါတယ်။ ကျွန်တော်ကိုယ်တိုင် စကားပြောရင် ဆဲတာ ဆိုတာ တွေ မပါအောင် အထူးသတိထားပြီး ပြောပါတယ်။ တစ်ခါတစ်လေ တအားစိတ်ဆိုးမှသာ ဆဲဆိုမိတာပါ။
၂။ ကျွန်တော့ အလုပ်သမားတွေ...
စကားပြောရင် အင်း အင်း နဲ့ တော်တော်ရိုင်းတဲ့ကုလားလေးတွေ
၃။ အင်း သူကတော့ ဗမာ ပဲ...
သူကလည်း စကားပြောရင်း အင်း အင်း နဲ့။
ဆရာကြီးလေသံ အမြဲ ဖမ်းတတ်တယ်။ လူကြည့်တော့ လက်မလောက်လေး... အသက်ပြောတာပါ။
ကျွန်တော်ကတော့ ဘယ်သူတွေ ဘယ်လောက်ရိုင်းရိုင်း ကျွန်တော်နဲ့ အရင်းနှီးဆုံး ပါတ်သက်တဲ့ သူတွေကိုတော့ ယဉ်ကျေးစေချင်တယ်။ စကားပြောရင် ဟုတ်ကဲ့ ဆိုတာမျိုးတော့ အနည်း ဆုံးပြောသင့်တယ်။ ပြောလိုက်ရင် ဘာလဲ ဆိုတာမျိုး ၊ ဘာဖြစ်လဲ ဆိုတာမျိုး လာပြောရင် နားရင်းသာ ပိတ်တီးချင်တော့တာပါပဲ။ ဒါဟာလည်း ချစ်လို့ ဆိုတာ သိစေချင်တယ်။
ကျွန်တော်တို့ မြန်မာ လူမျိုးတွေဟာ ယဉ်ကျေးလိမ္မာ ချစ်ခင်စရာ ကောင်းတယ် ဆိုတာပဲ ဖြစ်စေချင်တယ်။
ဒါဟာလည်း ကျွန်တော့ ရဲ့ အတ္တ တစ်ခုပေါ့နော်။
ဘာပဲ ပြောပြော ကျွန်တော်ကတော့ အချစ်မပျက်ပါဘူး။ ကိုယ့်သားသမီးတွေ ညီညီမတွေကို ယဉ်ကျေးတဲ့ စရိုက်လေးတွေ ရှိစေချင်တာပါ။ ဒါကလည်း သူတို့ရဲ့ မျိုးဆက်တွေအတွက် လိမ္မာ ယဉ်ကျေးတဲ့သူတွေ ဖြစ်စေချင်လို့ပါပဲ။

စကားပြောကောင်းတဲ့ လူ


ကျွန်တော် အမြင်ကပ်ဆုံးက စကားပြောနေရင်းနဲ့ ကိုယ့်စကားကို အာရုံမထားပဲ သူပြောချင်တာကို ၀င်ပြောတတ်တဲ့သူမျိုးကိုပါပဲ။ ကျွန်တော့ ပါတ်ဝန်းကျင်မှာကို ဒီလို လူမျိုးတွေ တွေ့တွေ့ နေရတယ်။ တကယ် စိတ်မချမ်းမြေ့စရာပါပဲ။ ကိုယ့်စကားနွားရ ဆိုတဲ့လူမျိုးဟာ ဘယ်တော့မှ Speaker ကောင်း တစ်ယောက် ဖြစ်မလာနိုင်ပါဘူး။ Good Listener ဖြစ်မှသာလျှင် Good Speaker တစ်ယောက် ဖြစ်လာမှာပါ။ ကျွန်တော်လည်း အရင်နုစဉ်တုန်းက ဒီလို ၀င်ဝင် ပြောတတ်တယ်။ ကျွန်တော့ ကို ကောင်းကောင်းလေ့ကျင့် ပေးသွားတာက ကျွန်တော့ ယောက္ခမ နဲ့ ကျွန်တော့အမေ ပါပဲ။ အသက်ကြီးလာတဲ့ အခါမှာ သူတို့မှာ အဓိက လိုအပ်တာက သူတို့ ပြောတာကို စိတ်ရှည် လက်ရှည် နားထောင်ပေးတတ်တဲ့သူကိုပါပဲ။ ကျွန်တော်ဟာ သူများပြောတာကို စိတ်ရှည်လက်ရှည် နားထောင်ပေးတတ်တဲ့ အကျင့်ကို ဒီမိဘတွေဆီက ရရှိလာတာပါပဲ။ ကျွန်တော် Network Marketing ကို လုပ်တော့ ဒီအကျိုးကျေးဇူးကို ကောင်းကောင်း ခံစားလိုက်ရတယ်။
စင်ပေါ်မှာ စကား ပြော ဖို့ဆိုတာ သာမာန်လူတစ်ယောက်အနေနဲ့ မလွယ်ပါဘူး။ ကိုယ်တိုင် ပြောဘူးတဲ့ သူမှ သိတာပါ။

Tuesday, January 17, 2012

အိမ်တော်ကျွန်


စီးတော်မြင်းတစ်ကောင်နဲ့
ကျွန်ရင်းတစ်ယောက်
ခရီးကြမ်းတစ်ခေါက် ထွက်ကြတယ်။

သောင်ကမ်း မသိပေမယ့်
ယောင်ယမ်းကာလည်း မညည်းပါဘူး
အထူးတလည် ပြောစရာမလိုအောင်
ရေဘူးတောင် ဆောင်လာသေးတာပဲ
ဝေးရင်လည်း ဒီတစ်သက်ပဲပေါ့။

Monday, January 16, 2012

သံသရာအတွက်


ကဗျာတွေ အသက်သွင်းရင်းနဲ့
ငါ့လိပ်ပြာလည်း အတောင် တစ်ဖက် ကျိုးခဲ့ပြီ
ဒီခရီးရှည် ကို နီးသတဲ့လား။

ဆေးလိပ်ငွေ့တွေ တထောင်းထောင်းထနေတဲ့
အတိတ်ရဲ့ ညနေစောင်းမှာ
မာယာတွေနဲ့မင်းကို ရူးသွပ်မိတာ
တစ်သက်စာ အမှားတစ်ခုပဲလား။

လွမ်းပုံပြင်တွေလည်း မြက်ခင်းစိမ်းရဲ့တစ်ဖက်မှာ
ယိမ်းနွဲ့နွဲ့ ရီဝေမူး
အနီရောင် တိမ်တိုက်တွေရဲ့ တစ်ဖက်တစ်ချက်
ယဲ့ယဲ့လေး ပြုံးပန်းတစ်ပွင့်နဲ့
သခင်ရဲ့ အရှေ့မှာ ဒူးထောက်ခစားနေလေတယ်။

ပျိုမြစ်ခြင်းတွေကို တိုက်စားသွားတဲ့
ငါ့ရဲ့ လက်ပတ်နာရီလေး
ဝေးဝေးကနေ ငါ့ ကို ပြုံးပြတယ်
တကယ်တော့ သူမမှားပါဘူးတဲ့
ဟုတ်ပါရဲ့ ....
ဒါတွေဟာ သံသရာတစ်ခုပေပဲ
ဖန်တစ်ရာတေတဲ့
ငါ့ရဲ့ နိမိတ်တွေပဲလေ။

ဆယ့်သုံးနဲ့ ငါ
အခါခါ ပြောဘူးပါတယ်
မူးကိုလည်း မြစ် ငါ ထင်လို့လား
အနှစ်မပါတဲ့အရာတွေ ရင်ဘက်ကို ဖောက်ပြီးဆင်း
မင်း အတွက်တော့ ငါမှ မဟုတ်တာ
သေချာတာကတော့
ရေတွေ ကောင်းကင်ကို ဖြတ်တက်နေတယ်။

ညီထွဋ်ကတော့ ပြောတုန်း
အားလုံးပြီးဆုံးသွားပြီတဲ့......
တကယ် ပြီးမပြီးကိုတော့
ကောင်းကင်ကို မော့ကြည့်လေ
နေမင်းကြီးက ငိုနေတာ
ဒီ တစ်ခါတည်းမှ မဟုတ်တာ
ဒါသံသရာ အတွက်တဲ့။

နောက်ထပ် ကြုံဦးမယ့် နေ၀င်ချိန်


ဒီနေ၀င်တာ နောက်ထပ်ကြုံဦးမယ် ဆိုတဲ့
ကိုငှက်ရဲ့ သီချင်းလေးနဲ့
စီးဆင်းရာ လေတစ်ကြောမှာ
မျောပါရင်း ရိုက်ခဲ့
ထိခိုက်မိခဲ့ ရင်နှလုံး
အပြုံးတုလေးတွေ ဖန်ဆင်း
ကံကိုလည်း အပြစ်မမြင်ပါဘု
အရင်းကိုလည်း မစစ်ချင်
ဝင်လာမိ သံသရာ အမှား
ထားခဲ့ အတိတ် နှလုံးအိမ်ထဲ
ဒီနေ၀င်တာပဲ လွမ်းမိတယ်။

Saturday, January 14, 2012

မနေ့က ခံစားချက်


မနေ့ကတည်းက ရေးချင်နေတာ...
အချိန်မရတာနဲ့ ဒီနေ့မှ ရေးလိုက်ရတယ်။
မြန်မာပြည်မှာ သတင်းကောင်းတွေ ကြားရလို့ ၀မ်းသာလိုက်တာ
မျက်ရည်တွေတောင် လည်လို့။
မြန်မာပြည်မှာ စစ်မှန်တဲ့ ဒီမိုကရေစီ စနစ်ကို တကယ် သွားနေပြီလို့ပဲ ယုံနေချင်တယ်။
ကိုမင်းကိုနိုင်တို့လွတ်လာတာ တိုင်းပြည်အတွက် တကယ်ပဲ အကျိုးရှိပါတယ်။
မာန်မာနတွေ ချထားတဲ့ ဦးခင်ညွန့်ကိုလည်း ဒေါ်အောင်ဆန်းစုကြည်နဲ့ ပေါင်းပြီး တိုင်းပြည်အတွက်
ကောင်းရာကောင်းကျိုး ကို လုပ်စေချင်တယ်။
ဘယ်ပဲပြောပြော သူ့လက်ထက်မှာတုန်းက နိုင်ငံတကာမှာ ၀င်ဆန့်ခဲ့တာ ဘယ်သူမှ မငြင်းနိုင်ဘူး။
ငြိမ်းချမ်းရေး လုပ်ခဲ့တာတွေလည်း နည်းမှ မနည်းပဲ။
သူ့လက်အောက်က တစ်ချို့တွေရဲ့ မကောင်းမှုကြောင့် သူလည်း ခံစားခဲ့ရတာပါပဲ။
ဒီမိုကရေစီိကို ကြွေးကြော်ပြီး မကောင်းတာ လုပ်နေတဲ့သူတွေလည်း နည်းမှ မနည်းတာ။
ငါးခုန်းမ တစ်ကောင်ကြောင့်တော့ တစ်လှေလုံး မပုပ်စေချင်တော့ပါဘူး။
တိုင်းပြည်ကို ငြိမ်းငြိမ်းချမ်းချမ်းနဲ့ပဲ သူများနိုင်ငံတွေရဲ့ အနှိမ်ခံ မဟုတ်ပဲ ရင်ဘောင်တန်း နေတာကိုပဲ လိုချင်မိတယ်။
ကျွန်တော်တို့လို သူများနိုင်ငံတွေမှာ အလုပ်ထွက်လုပ်ပြီး မိသားစုနဲ့ခွဲခွာနေရတဲ့သူတွေအဖို့ ခံစားရချက်တွေက
မနည်းမနောပဲကိုး။
အားလုံးကို ချစ်ခင်စွာဖြင့်
သက်ဝင်း

Friday, January 13, 2012

Friday the Thirteen


ကျွန်တော် အကြိုက်ဆုံး ဗီဒီယိုက Friday the Thirteen....
ဒီနေ့ မှာ ICA မှာ PR သွားတင်တယ်။
စာရွက်စာတမ်း မပြည့်စုံလို့ နောက်ထပ် ရက်ချိန်း ပေးလိုက်ပြန်တယ်။
......
ဒီနေ့ အိမ်က ညီမလေး ရဲ့ မွေးနေ့.......
ပျော်ရွှင်ပါစေလို့ပဲ ဆုတောင်းပေးနိုင်တယ်။ သူ့မှာလည်း သူ့အပူနဲ့သူဆိုတော့.....
......
နှစ်ရက် ရှိပြီ ကဗျာ မစပ်နိုင်တာ.....
ခေါင်းတွေလည်း ထူပူနေတာပဲ......
ဒီနေ့လည်း ကပေါက်တိ ကပေါက်ချာ နေ့စွဲ တစ်ခုပါပဲ။

Thursday, January 12, 2012

စိတ်ဓါတ်ကျမိတဲ့ နေ့စွဲ ထဲက တစ်နေ့


အသက် ၄၀ ကို စတင် ကျော်ဖြတ်ခဲ့တဲ့ သားဆိုး တစ်ယောက် ခုချိန်ထိ အမေ့ရင်ခွင်ကို တမ်းတတုန်းဆိုတာ ဘယ်သူ ယုံနိုင်မှာလဲ။ ပျောက်ကွယ်ခဲ့တဲ့ အမေ့ရဲ့ ရင်ခွင်ကို ဘာနဲ့မှ အစားထိုးလို့ မရခဲ့ပါဘူး။ ခုချိန်ထိ စိတ်တွေ ထွေပြားနေတဲ့ အမေ့ရဲ့ သားဆိုးဟာ လူတွေနဲ့ ဝေးရာကိုပဲ ထွက်ပြေးချင်နေမိတယ်။ ကိုယ့်မိသားစု အပေါ်မှာလည်း ခုချိန်ထိ တာဝန် မကျေပွန်နိုင်သေးဘူး။ ကျွန်တော့် ရဲ့ မျှော်လင့်ချက် အိပ်မက် အကောင်အထည်ဖော်နေတဲ့ အချိန်ဇယားရဲ့ သတ်မှတ်ချက် အသက် ၅၀ ကို ပြည့်ဖို့ ၁၀ နှစ်ပဲ လိုတော့တယ်။ ဒါပေမယ့် သေချာမှုကို ခုချိန်ထိ မရရှိသေးဘူး။ ကျွန်တော် ပင်ပန်းလှပြီ။
ဟိုးတုန်းကလို ပျော်မြူးခဲ့ရတဲ့အချိန်တွေကို တမ်းတ မိနေဆဲ။
အပူအပင် မရှိခဲ့တဲ့ ကလေးဘ၀ကို ပြန်လိုချင်နေမိမြဲ။
ကဗျာတွေကလည်း အသက်မဲ့နေခဲ့ပါပြီ။

Wednesday, January 11, 2012

ကိုနေ၀င်းမောင် သို့


သုဂတိမှာ ကောင်းစေဘို့
ကျွန်တော် တောင်းဆု ပြုပါတယ်
သူ ထုဆစ်ခဲ့တဲ့ ရုပ်လုံး
အကုန်လုံး မပေါ်တောင်
အရှုပ်ဘောင်ကို ကျော်လာတာ
လူတကာ သိကြပါတယ်။

ဆရာ့အကြောင်း
တစ်စေ့တစ်စောင်းလေး
အကောင်းတွေမသိ
အမုန်းတွေနဲ့ ငြိတဲ့အချိန်မှာတောင်
လူမသိ သူမသိ
ဝေဒနာ ထိ ခဲ့တာတွေ
ခုတော့လေ
ကိုနေ ရေ...
ကျွန်တော် ၀မ်းနည်းမိပါရော့လား။

ချိုး နဲ့ ခါချဉ်



တရားမျှတခြင်းနဲ့
ဘာတဲ့.....
ဒါတွေက စာသားတွေပါ
ကဗျာတော့ မဟုတ်ဘူး
အရူးလုပ် မခံရပါစေလို့ပဲ
ဝေဒနာရှုရင်း
ဆုတောင်းတယ်။

ဘာတဲ့ ဘာတဲ့
ကြိုးစားပါမယ်တဲ့လား
ကြားရဖန် များလာတော့လည်း
ရိုးတော့ ရိုးနေပါပြီ
ဘ၀နဲ့ ချီလာပြီကိုး
အတိုးပေါ် အတိုးဆင့်
ရင်နင့်ခဲ့ရတာ
ငါ တစ်ယောက်တည်းမှ မဟုတ်ပဲ။

ဘာဗျ ဘာဗျ
ကြိုးစားကြပါလားတဲ့လား
ဘယ်လိုများ ကြိုးစားရပါ့
ချိုး(ဂျိုး) တစ်ကောင်
အတောင်တွေ ကျိုးနေတာ
မမြင်တာ ခင်ဗျားလေဗျာ။

သူ့လက်ထဲမှာ
ဘာရှိတာတုန်း
အဲဒါကြီးနဲ့သာ ကြုံးလိုက်ရင်
ရှင်နေမင်းတောင် မမြင်ရတဲ့
ဘ၀ ဆိုတာ ကြီး ပျောက်ကွယ်မှာလေ။

ဘယ်လို ဘယ်လို
ခင်ဗျားကိုတော့ မထိရဲ
အဲဒါပဲလေ ကျုပ်ပြောတာ
ကမ္ဘာမှ မကျော်တဲ့ငနဲ
လောကထဲမှာ ပျောက်ကွယ်လို့လည်း
ကိုယ်ကလွဲလို့
သူပဲသိမှာ
ခါချဉ်ကောင်ပါကွာ။

Tuesday, January 10, 2012

သမိုင်း ရိုင်း



အံကြိတ် ငုံ့ခံ
အားတန်လည်း မာန်လျှော့
အသံတွေ တိတ်
ကြိတ် ငိုကြွေးပေါ့
မင်း ရေးခဲ့တဲ့ သမိုင်း
ရိုင်းကာမှ ရိုင်းတော့
အနှိုင်းမဲ့မှာတော့ မဟုတ်ဘူးကွ။

ပစ္စုပ္ပန်မှာ
မင်းသာ ခံပေရော့
နောင်တော့ အနာဂတ်
လာတော့ လာမှာပေါ့
ဟော့သွမ်းမိခဲ့ မိုက်တစ်ခါအမှား
ခံစားရ တစ်သက်
ငါ ရှက်လှချည်ရဲ့။

ကိုယ်ချင်းစာလို့လည်း
မနာတတ်ကြသူတွေအတွက်
ငါ နံရံကိုသာ လက်သီးနဲ့ထိုး
ဒီအကျင့်ဆိုးနဲ့
မချင့်မရဲသာ ငိုမိ
ငါ သတ္တိတောင် မရှိတော့ဘူး။

ကြွေအံ ပစ်တဲ့အချိန်
ကိုယ် သိမ်ငယ်စိတ်ပျောက်
မိုးလောက် မြင့်မတ်
မျှော့်လင့်ချက် တိမ်တောင်
ယောင်မှား အမိုက်
ခိုက်တံ့ခဏ
နောင်တ ရပြန် တစ်ခါပေါ့။

အညံ့ပန်း


အညံ့ပန်းဆိုတာ ရှိတယ်
ရင်ထဲထိ မငြိပေမယ့်
အသိတရား ကွာတဲ့အချိန်
မှေးမိန်တဲ့ အလင်းအောက်မှာ
ရှာကြံ သုံးတတ်ကြလေရဲ့။

အညံ့ပန်းဆိုတာ ရှိတယ်
မရှိခဏ ဆိုပြီးတော့
အသိတရား ငြိတဲ့အချိန်မှာ
မာယာ စကားလှလှလေးတွေနဲ့
စွန့်ထားကြပြန် လေရဲ့။

အညံ့ပန်းဆိုတာ ရှိတယ်
ဝမ်းနည်းမှုကိုလည်း မပြတတ်
ဝမ်းသာရမှာကိုလည်း မစွမ်းသာ
သူ့ဝမ်းနာ သူသာသိသမို့
မေ့လိုက်ဖို့ပဲ တွေးမိတယ်။

Monday, January 9, 2012

အလောကထဲက ငါ


နာရီရဲ့ မျက်ရည်တွေ
နှလုံးသား အတုကို ဖန်တီး
ကမ္ဘာအပြားကြီး အောက်မှာ
သမုဒ္ဒရာ ရှိတယ်။
သုညတွေ တန်းစီ
အရှုံးတွေနဲ့ ရီမော
အလောကမှာ လူအတုတွေ
အိပ်မက်အတုတွေ ဖန်တီးနေလေရဲ့။
ငါ့ အတွက် တုန်လှုပ်စရာ
ရေတွေ ပျောက်ကွယ်တဲ့ခဏ
ခဏပါနော်
မောတယ် လို့တော့ မပြောလိုက်ပါနဲ့
ငါလည်း မောတာပါပဲ။
မျှော်လင့်ချက် တစ်စုံ
ရင်ခုန်နှုန်းတွေ ရပ်
အသက်တောင် ရှုချင်စိတ်မရှိဘူး
ငါ ရူးချင်နေမိပြီ။

Love လား.... ဒါမှမဟုတ်... Lust လား


ဒါကို တစ်ချို့က LOVE တဲ့
တစ်ချို့ကျတော့ LUST တဲ့
ခင်ဗျားကကော...
ကျွန်တော်ကတော့
LOVE ကိုပဲ ယုံတယ်
LUST ဆိုတာ အနှစ်မရှိတဲ့အရာ
တဏှာကိုသာ မက်ရင်
သံစဉ်တွေလည်း ဖြစ်လာမှာမဟုတ်ပေဘူးလေ
ရာဂ အမှောင်ကို သင် တွန်းလှန်နိုင်မှ
ချစ်ခြင်းအလှကို ရှာတွေ့မှာပေါ့
သမီးရည်းစား အချစ်
လင်မယား အချစ်
ဒီအဖြစ်တွေကို သံယောဇဉ်နဲ့သာပေါင်း
မင်္ဂလာတွေ ခညောင်းလိမ့်မယ်
တဏှာနဲ့ ရာဂကို မောင်းထုတ်
အလုပ်နဲ့သာ သက်သေပြလိုက်ပါ
ဖွင့်ဟပြောနေမှသာ
ချစ်တာ မဟုတ်ပါဘူး
ဆူးစူးနေတဲ့ နှလုံးသားကို
ဓါးနဲ့သာ ဖြတ်ထုတ်လိုက်
Life ဆိုတာ တိုတိုလေးပါ။

Friday, January 6, 2012

တစ္ဆေ ရဲ့ ငိုကြွေးသံ


တစ္ဆေ ရဲ့ ငိုကြွေးသံ
ကောင်းကင်ယံမှာ ပြန့်ကျဲလျက်
အသက်ငင်နေတဲ့ နာရီ
ရင်ဘက်ထဲက ဖောက်ထွက်
အရှက်တရား တဲ့......

အရိုးတွန်သံတွေ ကြားနေရတယ်
မြောက်ပိုင်းက ဆိုလား
သမိုင်းကို ရိုင်းစေခဲ့သူတွေ
တိုင်ကြီးတွေ ဝေဆာနေတဲ့
ဒို့ကျောင်းတော်ရဲ့ ဂုဏ်ကိုမှ မထောက်
သဘောက်မသားတွေ.......

အမျိုးဂုဏ်ကြောင့်ပါတဲ့
ညအမှောင်မှာ လူကောင်းဆိုတဲ့သူတွေက
ဆုံးမ ကြပြန်တယ်
ဟယ်... ငမိုက်သား
နှလုံးသား မရှိတဲ့တရားနဲ့
အရှိကို မမြင်ကြဘူးလား
သင်ဟာ လူသား မဟုတ်တော့ဘူး........

နင့်ဘ၀ နင်သာ အဓိက
ငါ ရှိနေကြတာလား
အဲဒီ့ ငါ
သေတဲ့အခါ မင်းယူသွားပါ
နားထဲမှာ ဆူဝေ
တစ္ဆေ ရဲ့ ငိုကြွေးသံ
တဖန် ပြန်ကြားနေရတယ်
ခံစား မိရဲ့လား........

Thursday, January 5, 2012

Sympathy


Sympathy တဲ့....
တကယ် ရှိလို့လား ဒီစကား
နားရှိလို့သာ ကြားမိတယ်
တကယ်ဆိုရင် တစ်ဖက်သက်
ငါ့ဘက်ကိုလည်း လှည့်ကြည့်ကြပါဦး
နားလည်မှု ပီတိတစ်ခုလောက်
ငါ သောက်သုံးပါရစေ။

Wednesday, January 4, 2012

အရှုပ်တွေနဲ့ ကျွန်တော်


ဒီနေ့တော့ ကဗျာ တစ်ပုဒ်တောင် မရေးနိုင်တော့ဘူး။
ရှုပ်လိုက်တဲ့ အလုပ်တွေ
ကွန်ပျူတာတောင် ကောင်းကောင်း မကိုင်ရဘူး။
ခေါင်းတွေလည်း မူးနေပြီ။
လူလည်း အပေါ်တက်လိုက် အောက်ဆင်းလိုက်နဲ့
တော်တော် ပြိုင်းနေပေါ့။
အိပ်ရေး မ၀တာလည်း ကြာပေါ့။
အိပ်မက်တောင် မမက်နိုင်တော့ဘူး။

Tuesday, January 3, 2012

တိတ်အနှောင်း


သံစဉ် ရောယှက်
တေးသီငှက်...
မြင်လွှာ အရိပ်
နှောင်းအတိတ်...
သံစဉ်အရိပ်
နှောင်းအတိတ်တေးသီ
ကျစိတ်တွေ ဒီရေအလား
တိုးလို့သာပွား...
..........
ဒီလိုသာ ကာရန်ကိုက်ရေးမှ
ကဗျာက ဖြစ်မှာတဲ့လား
သံစဉ်ကြားရာ
လိုက်ပါစီးမျောမှ
နှလုံးသား လှသတဲ့လား
အမှန် ဘ၀ဆိုတာကတော့
သံသရာ ပင်လယ်ကြောမှာ
လိုက်ပါမျောရင်း
မောပြီးရင်းသာ ပိုမော
အဟောသိကံလည်း
ကြံဖန်ပြောကြလေရဲ့
အဖန်ဖန်လည်း နှောကြလေသတဲ့
မင်းရဲ့ သံစဉ်လိုတော့
နားဝင်ချိုနိုင်မယ် ထင်ဘူး
ရင်က တိတ်အနှောင်းကိုလည်း
နောင်တ ဆိုတာ မရှိစကောင်းပေမို့
ကျစိတ်တို့ ရင် ၀င် မတိုးခင်
မေ့လိုက်ချင်ရဲ့။

ကပေါက်တိ ကပေါက်ချာ အိပ်မက်


မျက်ရည်တစ်စက်
ငါ့ခြေထောက်အောက် ပေါက်ကနဲကျ
ဒူးမထောက်ဘူးဆိုတဲ့ စိတ်
ညွတ်ကျသွားပြန်ပေါ့။
နှလုံးသွေးတစ်စက်
ရင်ဘက်ကနေ ဖောက်ထွက်
မင်း ရှေ့မှောက်
တစ်ခေါက် ပြန်ရောက်ပြန်ပေါ့။
အိပ်မရတဲ့ ညတွေ
များလွန်းလှချည်ရဲ့
ငါ့မျက်ခွံတွေ လေးလံလှပြီ
လူတွေဆီက ပြေးထွက်ခဲ့ရပြန်ပေါ့။
လက်ညှိုးပေါင်း တစ်ထောင်
မျက်လုံးပေါင်းက မရေနိုင်
ငါ့ကွယ်ရာမှာ မေးငေါ့
တစ်ချို့ကလည်း သနားကြလေရဲ့
နေမင်း အနောက်ကထွက်ပြန်ပေါ့။
သံယောဇဉ် သမုဒ်တစ်စင်း
ဖြတ်သန်းရင်းနဲ့ ကျော်ဖြတ်
ရေတွေလည်း ငတ်လှပေါ့။
ကာရန်မပီတော့ပေမယ့်
ကဗျာတော့ ဖြစ်ချင်ရဲ့
ရင်တွင်းပူ ဝေဒနာတွေကို
ဖွေရှာနိုင် မြိုင်တစ်ကျောမှာ
ငါ... ရူးလှပေါ့။